ផ្ទះ ព័ត៌មានជាតិ ជនសង្ស័យ២នាក់...

ជនសង្ស័យ២នាក់ ធ្វើសកម្មភាពលួច ប្លន់ និងឃាតកម្ម ត្រូវសមត្ថកិច្ចឃាត់ខ្លួន

0

តាកែវ: យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា នៅ​ថ្ងៃ​ទី​១១​ ខែកុម្ភ:​ ឆ្នាំ​២០២០​ លើផ្លូវជាតិ​លេខ​៣​ មុខ​កងពល​ង​៧០​ ស្ថិត​សង្កាត់​ចោម​ចៅ​៣​ ខណ្ឌ​ពោធិ​សែន​ជ័យ​ រាជធានី​ភ្នំពេញ កម្លាំង​ការិយាល័យ​ព្រហ្មទណ្ឌ​កម្រិត​ធ្ងន់​ សហការ​ជាមួយ​ស្នងការ​នគរបាល​ខេត្តតាកែវ​ និង​នាយកដ្ឋាន​នគរបាល​ព្រហ្មទណ្ឌ​ បាន​ធ្វើការ​ឃាត់ខ្លួន​ជនសង្ស័យ​ ០២​នាក់​ ករណី​ឃាតកម្ម​ ​លួច​កាច់ក​ម៉ូតូ​ និង​ប្លន់​ប្រដាប់​ដោយអាវុធ​ ស្ថិត​ភូមិ​ត្រពាំង​ព្រិច​ ឃុំ​ត្រពាំង​ក្រសាំង​ ស្រុក​បាទី​ ខេត្តតាកែវ​ កាលពី​ថ្ងៃ​ទី​០៦​ ខែកុម្ភ:​ ឆ្នាំ​២០២០​ ។​

ជន​ស្ស័​យ​ទាំង​២​នាក់​រួម​មាន៖​
១/ឈ្មោះ​ ថូ​ ថុ​ន​ ហៅ​ផូ​ ថុ​ន ​ហៅ​ស្វិត​ ភេទ​ប្រុស​ អាយុ ​៤២​ ឆ្នាំ​ មុខរបរ​មិន​ពិតប្រាកដ​។
២/​ឈ្មោះ​ ផុ​ន​ រិ​ទ្ធី​ ភេទ​ប្រុស​ អាយុ​ ២៦ ​ឆ្នាំ​ មុខរបរ​មិន​ពិតប្រាកដ​ ស្នាក់​នៅ​ភូមិ​បឹង​ក្អែក​ ឃុំ​បន្ទាយ​មាន​ជ័យ​ ស្រុក​ពាម​រ័​ ខេត្តព្រៃវែង​ ។​

វ​ត្តុ​តាងដកហូត​រួម​មាន​៖​
-កាំភ្លើង​ចំនួន​០១​ដើម​ ម៉ាក​K59​ មាន​គ្រាប់​ចំនួន​០៣
-ម៉ូតូ​០១​គ្រឿង​ម៉ាក ​AIR​ BLADE​ ព​ណ៌ខ្មៅ​ ពាក់​ផ្លាក​លេខ ​តាកែវ ​1BY-1688
-ដែក​អក្សរ​T​ និង​ថ្នាំ​បំពុល​ឆ្កែ​មួយចំនួន​
-ស្លាក​លេខ​ម៉ូតូ​ខេត្តតាកែវ​ចំនួន​៣​បន្ទះ​ ។​

​បច្ចុប្បន្ន​ជនសង្ស័យ​ទាំង​០២​នាក់​ រួមទាំងវត្ថុ​តាង​ត្រូវ​បាន​ប្រគល់​ជូន​ទៅ​នាយកដ្ឋាន​នគរបាល​ព្រហ្ម​ទ​ណ្ឋ​ ដើម្បី​ចាត់ការ​បន្ត​តាម​នីតិវិធី​ ៕

មតិយោបល់