ផ្ទះ ព័ត៌មានជាតិ មុខសញ្ញាកាច់ស...

មុខសញ្ញាកាច់សោកយកម៉ូតូបានសម្រេចចំនួន ៦លើក ចុងក្រោយត្រូវសមត្ថកិច្ចឃាត់ខ្លួនវាយខ្នោះ ២នាក់

0

បាត់ដំបង: ដោយអនុវត្តតាមការណែនាំបញ្ជាផ្ទាល់ពីលោក អ៊ុច សុខុន ស្នងការ នៃស្នងការដ្ឋាននគរបាលខេត្តបាត់ដំបង ក៏ដូចជាលោក ជេត វណ្ណនី ស្នងការរងផែនការងារនគរបាលព្រហ្មទណ្ឌ និងមានការសម្របសម្រួលទៅលើនីតិវិធីពីលោក នួន សាន ព្រះរាជអាជ្ញាអមសាលាដំបូងខេត្តបាត់ដំបង នៅថ្ងៃទី១២ ខែកុម្ភ: ឆ្នាំ២០២០ វេលាម៉ោង ១២និង០០នាទី លោកវរសេនីយ៍ទោ ឈឿង គឹមសុង ប្រធានការិយាល័យនគរបាលព្រហ្មទណ្ឌកម្រិតស្រាល បានដឹកនាំកម្លាំង ក្រុមអន្តរាគមន៍ បង្ការ បង្ក្រាប ចុះបង្ក្រាបករណី អំពើលួចមានស្ថានទម្ងន់ទោស (កាច់សោកយកម៉ូតូ) ធ្វើការនាំខ្លួនជនសង្ស័យចំនួន ២នាក់ ។

ជនសង្ស័យឈ្មោះ ជា ឆេង ភេទប្រុស អាយុ ២៤ឆ្នាំ បច្ចុប្បន្នស្នាក់នៅបន្ទប់ជួល ភូមិរំចេក៣ សង្កាត់រតន: ក្រុង/ខេត្តបាត់ដំបង ( ជាអ្នកធ្វើសកម្មភាពកាច់សោយកម៉ូតូ) ។
ជនសង្ស័យឈ្មោះ ហេង សន្ថា ភេទប្រុស អាយុ ៣៩ឆ្នាំ មានទីលំនៅភូមិរំចេក៤ សង្កាត់រតន: ក្រុង/ខេត្តបាត់ដំបង(ជាអ្នកទទួលផល)។

វត្ថុតាងដកហូតរួមមាន៖
– ម៉ូតូចំនួន ២គ្រឿងម៉ាក Zoomer X ដែលជនសង្ស័យធ្វើសកម្មភាពបាន
– សោរាងអក្សរតេ សម្រាប់ធ្វើសកម្មភាពកាច់សោចំនួន ១
– តួណឺវីសចំនួន ១
– កូនសោរសម្រាប់ដោះផ្លាកលេខចំនួន ១
– វីស សម្រាប់ចាប់ស្លាកលេខម៉ូតូចំនួន ៤គ្រាប់
– ខ្ចៅសម្រាប់មួយស្លាកលេខចំនួន ៣គ្រាប់
– ខោជើងវែងពណ៌ខ្មៅចំនួនមួយ ដែលជនសង្ស័យស្លៀកធ្វើសកម្មភាពកាច់សោម៉ូតូ ។

យោងតាមចម្លើយសារភាពរបស់ជនសង្ស័យឈ្មោះ ជា ឆេង បានឆ្លើយសារភាពចំពោះមុខសមត្ថកិច្ចថា
ខ្លួននបានធ្វើសកម្មភាពកាច់សោកយកម៉ូតូជាមួយបក្ខពួកម្នាក់ទៀតឈ្មោះ ទុំ ចំនួន ៦លើក នៅក្នុងក្រុងបាត់ដំបង ។
លើកចុងក្រោយ នៅក្នុងខែមករា ឆ្នាំ២០២០ វេលាម៉ោងប្រហែល ៩និង០០នាទី ខ្លួនបានធ្វើសកម្មភាពកាច់សោកយកម៉ូតូនៅចំណុចក្នុង ខារ៉ាអូខេព្រីនសេស បានម៉ូតូមួយគ្រឿងម៉ាក zoomer x ពណ៌ក្រហមស ស៊េរីឆ្នាំ២០១៨ ដែលជារបស់ជនរងគ្រោះឈ្មោះ វ៉ន ចាន់ ភេទស្រី អាយុ ២៦ឆ្នាំ មានទីលំនៅផ្ទះជួលស្ថិតក្នុងភូមិរំចេក៣ សង្កាត់រតន: ក្រុង/ខេត្តបាត់ដំបង។

ក្រោយមកបានលក់ឲ្យទៅម្ចាស់ផ្ទះជួលដែលខ្លួនបានជួលបន្ទប់ស្នាក់នៅ និងមួយលើកទៀត នៅថ្ងៃទី១១ ខែកុម្ភ: ឆ្នាំ២០២០ វេលាម៉ោងប្រហែល ១២និង៣០នាទី ខ្លួនបានធ្វើសកម្មភាពកាច់សោកយកម៉ូតូនៅក្នុងសាលារៀនឌូវី ស្ថិតនៅក្នុងភូមិរំចេក៤ សង្កាត់រតន: ក្រុង/ខេត្តបាត់ដំបង បានម៉ូតូមួយគ្រឿងម៉ាក zoomer x ពណ៌ស្វាយ ស ឆ្នាំ២០១៨ ដែលជារបស់ជនរងគ្រោះ ឈ្មោះ លុន សុខលីន ភេទស្រី អាយុ ២៨ឆ្នាំ មានទីលំនៅភូមិក្តុល សង្កាត់ដូនទាវ ក្រុង/ខេត្តបាត់ដំបង ។

បច្ចុប្បន្នការិយាល័យជំនាញ កំពុងតែធ្វើការកសាងសំណុំរឿង ដើម្បីបញ្ជូនទៅសាលាដំបូងខេត្តចាត់ការតាមនីតិវិធី ៕

មតិយោបល់