ផ្ទះ ព័ត៌មានជាតិ បុរសម្នាក់ស្ល...

បុរសម្នាក់ស្លាប់ភ្លាមៗបន្ទាប់ពីរថយន្តបែនបុកកិននៅស្រុកកណ្តាលស្ទឹង

0

កណ្តាល: ករណីគ្រោះថ្នាក់ចរាចរណ៍បណ្តាលឲ្យបុរសម្នាក់ស្លាប់ភ្លាមៗ បង្កការភ្ញាក់ផ្អើលកាលពីវេលាម៉ោង៤និង៣៥នាទីល្ងាច ថ្ងៃទី១៤ ខែកុម្ភ:ឆ្នាំ២០២០ ទីតាំងស្ថិតនៅតាមបណ្តោយផ្លូវលេខ 20 អា ភូមិអូរអណ្ដូង ឃុំបារគូ ស្រុកកណ្ដាលស្ទឹង ខេត្តកណ្ដាល។

ជនរងគ្រោះមានឈ្មោះ ទូច ងាវ ភេទប្រុស អាយុ 37ឆ្នាំ រស់នៅភូមិដំរីឆ្លង ឃុំស្អាងភ្នំ ស្រុកស្អាងខេត្តកណ្ដាល ជិះម៉ូតូម៉ាកMSX ពុំមានស្លាកលេខ។

តាមប្រភពព័ត៌មាននៅកន្លែងកើតហេតុបានឲ្យដឹងថាជនរងគ្រោះ បើកបរក្នុងទិសដៅពីកើតទៅលិចពេល
មកដល់ចំណុចកើតហេតុ បានបុកនឹងរថយន្តមួយគ្រឿង ម៉ាកហ៊ីយ៉ាន់ដាយ ប្រភេទបែន ពណ៌ក្រហម គ្មានស្លាកលេខបណ្តាលឲ្យស្លាប់បាត់បង់ជីវិតភ្លាមៗ ក្រោយកើតហេតុអ្នកបើកបររត់គេចខ្លួនបាត់បន្សល់ទុករថយន្ត។
ចំពោះសាកសព កម្លាំងជំនាញបានទាក់ទងទៅសាច់ញាតិ ដើម្បីឲ្យមកទទួលសពយកទៅធ្វើបុណ្យតាមប្រពៃណី ចំណែកវត្ថុតាងម៉ូតូ និង រថយន្ត កម្លាំងជំនាញបានយកមករក្សាទុកនៅអធិការដ្ឋានដើម្បីរងចាំការដោះស្រាយ៕

 

មតិយោបល់