ផ្ទះ ព័ត៌មានជាតិ បុរសម្នាក់លែង...

បុរសម្នាក់លែងប្រពន្ធអស់រយៈពេល ១៥ឆ្នាំ មកសុំត្រូវគ្នាវិញ ប្រពន្ធមិនព្រមដើរផឹកស្រា អត់បាយអត់ទឹករហូតស្លាប់

0

កំពង់ធំ: កាលពីថ្ងៃទី១៧ ខែកុម្ភ: ឆ្នាំ២០២០ មានករណីមនុស្សដេកស្លាប់ ចំណុចអូរព្រែកស្បូវភូមិអូរកន្ធរត្បូង សង្កាត់អូរកន្ធរ ក្រុងស្ទឹងសែន ខេត្តកំពង់ធំ។

ជនរងគ្រោះឈ្មោះ ជីម ជឿន ភេទប្រុស អាយុ ៥២ឆ្នាំ មុខរបរមិនពិតប្រាកដ រស់នៅភូមិវាលស្នាយ ឃុំមានជ័យ ស្រុកសណ្ដាន់ ខេត្តកំពង់ធំ។

សភាពនៃរឿង៖ មុនដំបូងឈ្មោះ ផនរ៉ុម ភេទស្រី អាយុ ៦១ឆ្នាំ នៅផ្ទះរស់នៅភូមិព្រែកស្បូវ សង្កាត់អូរកន្ធរ ក្រុងស្ទឹងសែន (ជាអតីតប្រពន្ធសព) បានរៀបរាប់ថា៖ រយ:ពេល ១៥ឆ្នាំ មកហើយដែលរូបគាត់នឹងប្ដីបានលែងលះគ្នា ហើយប្ដីរបស់គាត់បានទៅយកប្រពន្ធថ្មីម្នាក់ទៀត ក្រោយមកក៏លែងលះគ្នាទៀត។ លុះដល់ថ្ងៃទី មិនចាំ ខែមករា ឆ្នាំ២០២០ ប្ដីរបស់គាត់បានមកសុំត្រូវរ៉ូវគ្នាវិញ ប៉ុន្តែគាត់មិនព្រមទទួលយកជាប្ដីប្រពន្ធវិញទេ។ ចាប់តាំងពីពេលនោះមក ប្តីរបស់គាត់ចេះតែដើរផឹកស៊ី អត់បាយអត់ទឹក ដើរដេកតាមផ្លូវនិងតាមផ្ទះអ្នកភូមិ។ លុះមកដល់ថ្ងៃទី១៧ ខែកុម្ភ: ឆ្នាំ២០២០ វេលាម៉ោង ១២និង១០នាទី ស្រាប់តែអ្នកភូមិនាំគ្នាផ្អើលនិយាយតៗគ្នាថា ប្ដីរបស់ខ្លួនដេកស្លាប់នៅលើអង្រឹងជាប់នឹងអូរព្រែកស្បូវ ភ្លាមនោះគាត់បានទៅដល់កន្លែងកើតហេតុភ្លាម ឃើញប្ដីរបស់គាត់ដេកស្លាប់លើអង្រឹងពិតគាត់មែន។

ក្រោយទទួលដំណឹងភា្លមសមត្ថកិច្ច សហការជាមួយរដ្ឋអំណាចភូមិសង្កាត់ បានចុះដល់ទីតាំងដើម្បីពិនិត្យទីកន្លែងកើតហេតុ និងសាកសព។
ដេកស្លាប់ លើអង្រឹងដោយស្លៀកខោខ្លី ពណ៌ខៀវខ្លួនទទេ ក្បាលទៅទិសខាងត្បូងក្រៅពីនេះពុំមានស្លាកស្នាមអ្វីគួរកត់សម្គាល់ឡើយ។ រួចប្រគល់សពជូនក្រុមគ្រួសារយកទៅធ្វើបុណ្យតាមប្រពៃណី៕

មូលហេតុ៖ ជនរងគ្រោះស្លាប់ដោយសារគាំងបេះដូង (ផឹកស្រាជាប្រចាំនិងមិនហូបអាហារ)៕

មតិយោបល់