កែបៈ នៅរសៀលថ្ងៃទី២៦ ខែកុម្ភៈ ឆ្នាំ២០២០ លោក បែន តារា ស្នងការនគរបាលខេត្តកែប បានចាត់តាំង លោកស្នងការរងផែនការងារប្រឆាំងបទល្មើសសេដ្ឋកិច្ច អធិការនគរបាលស្រុកដំណាក់ចង្អើរ និងការិយាល័យជំនាញ ទៅចូលរួមជាមន្ទីរពាក់ព័ន្ធ និងអាជ្ញាធរ ដើម្បីចុះពិនិត្យសាច់ទាវេចខ្ចប់នាំពីប្រទេសចិនខូចគុណភាពប្រមាណជាង1តោន ដែលឈ្មោះ ទេព ទិត្យ ភេទប្រុស អាយុ41ឆ្នាំ រស់នៅរាជធានីភ្នំពេញ បានដឹកបន្តយកមកឱ្យឈ្មោះ ឯម ប្រុស ភេទប្រុស អាយុ43ឆ្នាំ រស់នៅភូមិភ្នំលាវ ឃុំពងទឹក ស្រុកដំណាក់ចង្អើរ ដើម្បីទុកធ្វើជី តែប្រជាពលរដ្ឋបាននាំគ្នាយកទៅបរិភោគ។ ក្រោយត្រួតពិនិត្យ សាច់ទាខាងលើបានហួសការកំណត់ បណ្តាលឱ្យខូចគុណភាព ក្រុមការងារបានសម្រេចដកហូតយកទៅដុតចោល ដើម្បីជៀសវាងប៉ះពាល់ដល់សុខភាពប្រជាពលរដ្ឋក្នុងមូលដ្ឋាន៕
![](https://i0.wp.com/cdn.pnm.news/2020/02/postnews.com.kh.2020-02-26_13-20-02.jpg?resize=588%2C1280&ssl=1)
![](https://i0.wp.com/cdn.pnm.news/2020/02/postnews.com.kh.2020-02-26_13-20-07.jpg?resize=640%2C303&ssl=1)
![](https://i0.wp.com/cdn.pnm.news/2020/02/postnews.com.kh.2020-02-26_13-20-09.jpg?resize=640%2C310&ssl=1)
![](https://i0.wp.com/cdn.pnm.news/2020/02/postnews.com.kh.2020-02-26_13-20-14.jpg?resize=640%2C480&ssl=1)
![](https://i0.wp.com/cdn.pnm.news/2020/02/postnews.com.kh.2020-02-26_13-20-15.jpg?resize=640%2C480&ssl=1)
មតិយោបល់