ភ្នំពេញៈ កាលពីព្រឹកថ្ងៃទី២៧ ខែកុម្ភៈ ឆ្នាំ២០២០ ត្រង់ចំនុចទីតាំងធនាគារពាណិជ្ជទី១ ស្ថិតនៅផ្លូវ២៧១ សង្កាត់ទួលទំពូងទី២ ខណ្ឌចំការមន រាជធានីភ្នំពេញ លោកអធិការនគរបាលខណ្ឌមានជ័យបានធ្វើការស្រាវជ្រាវរកឃើញរថយន្តម៉ាក MazedesBenz ពណ៌ខ្មៅ ពាក់ផ្លាកលេខ ភ្នំពេញ 2AZ-9888 បង្ករគ្រោះថ្នាក់ចរាចរណ៍បណ្ដាលឲ្យនារីម្នាក់ជិះម៉ូតូ Scoopy បណ្ដាលឲ្យរងរបួសបាក់ជើង ត្រង់ចំនុចផ្លូវ៦០ម៉ែត្រកែង និងផ្លូវ៣០ម៉ែត្រ ស្ថិតសង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ ហើយបើករត់គេចពីការទទួលខុសត្រូវ។

បច្ចុប្បន្ន រថយន្តបង្ករត្រូវបានយកមករក្សាទុកនៅអធិការដ្ឋាននគរបាលខណ្ឌមានជ័យ ដើម្បីចាត់តាមនីតិវិធីច្បាប់៕