ផ្ទះ ព័ត៌មានជាតិ មន្ត្រីយោធាម្...

មន្ត្រីយោធាម្នាក់រងរបួសធ្ងន់ ក្រោយបើកម៉ូតូបត់ឆ្វេងមិនប្រយ័ត្ន និងសិស្សស្រីម្នាក់រងរបួសស្រាល

0

កំពង់ធំ: នៅថ្ងៃទី១ ខែមីនា ឆ្នាំ២០២០ វេលាម៉ោង ៩និង៣០នាទីព្រឹក លើកំណាត់ផ្លូវលំក្រាលកៅស៊ូ ភូមិត្រពាំងសាលា ឃុំឈូក ស្រុកប្រសាទសំបូរ ខេត្តកំពង់ធំ មានករណីគ្រោះថ្នាក់ចរាចរម៉ូតូបុកម៉ូតូទិសដៅស្របគ្នាពីលិចទៅកើត បណ្ដាលឲ្យមនុស្សរបួសធ្ងន់ស្រាល។

ម៉ូតូម៉ាក ហុងដាវ៉េវអាល់ហ្វា ពណ៌ខៀវ គ្មានផ្លាកលេខ បើកបរដោយឈ្មោះ វុធ សុខឃី ភេទស្រី អាយុ ១៤ឆ្នាំ រស់នៅភូមិឃុំកើតហេតុខាងលើ របួសស្រាលមិនពាក់មួកសុវត្ថិភាពមុខរបរសិស្ស។
ម៉ូតូម៉ាក ហុងដាឌ្រីម C125 ពណ៌ខ្មៅ ផ្លាកលេខ កំពង់ធំ 1A-1365 បើកបរដោយឈ្មោះ ទីវ ប៊ុននា ភេទប្រុស អាយុ ៤៨ឆ្នាំ នៅភូមិសំរិត ឃុំសំបូរ ស្រុកប្រសាទសំបូរ ខេត្តកំពង់ធំ របួសធ្ងន់ពាក់មួកសុវត្តិភាពមុខរបរយោធា។

ក្រោយពីកើតហេតុសមត្ថកិច្ច ចុះដល់ទីតាំងវាស់វែងវត្ថុតាងយករក្សាទុក នៅអធិការដ្ឋាននគរបាលស្រុកប្រសសទសំបូរ ដើម្បីដោះស្រាយតាមនីតិវិធី។

មូលហេតុ៖ បឋមបង្កឡើងដោយអ្នកបើកបរម៉ូតូម៉ាកហុងដា បើកបរបត់ឆ្វេងខ្ជីខ្ជាខ្វះការប្រុងប្រយ័ត្ន៕

មតិយោបល់