កណ្តាលៈ ករណីហិង្សាដោយចេតនាកើតហេតុថ្ងៃទី១២ ខែមីនា ឆ្នាំ២០២០ វេលាម៉ោង៩និង៣០នាទីចំណុចរោងការមុខផ្ទះឈ្មោះអែម ភូមិក្រោមឃុំព្រែកអញ្ចាញស្រុកមុខកំពូល ខេត្តកណ្ដាល។
ជនរងគ្រោះ០១នាក់ឈ្មោះធឿន សៀងហៃ ភេទប្រុសអាយុ២០ឆ្នាំ រស់នៅភូមិក្រោមឃុំព្រែកអញ្ចាញស្រុកមុខកំពូល ខេត្តកណ្ដាល
មុខរបរ កម្មករ រត់តុការ របួសធ្ងន់ចំសៀតផ្កាខាងស្ដាំ០១កន្លែង។
ជនសង្ស័យ០១នាក់(គេចខ្លួន)
ឈ្មោះ រិន រ៉ាណូ ហៅជ្រុយ ភេទប្រុសអាយុ២៤ឆ្នាំនៅភូមិព្រែកតាបែន ឃុំព្រែកអញ្ចាញ ស្រុកមុខកំពូល ខេត្តកណ្ដាល មុខរបរ ចាក់មេក្រូតាមរោងការនិងបុណ្យ។
វត្ថុតាងចាប់យក៖ គ្មាន
តាមដំណើររឿងនៅកន្លែងកើតហេតុបានធ្វើពិធីមង្គលការពេលនោះជនសង្ស័យ បានមកចាក់មេក្រូកំដរពិធីមង្គលការ ចំណែក ជនរងគ្រោះបានមកធ្វើជាកម្មកររត់តុបំម្រើភ្ញៀវក្នុងពិធីមង្គលការនោះដែរ។ លុះដល់ម៉ោងកើតហេតុពិធីមង្គលការបានចប់ហើយខាងចុងភៅបានរើឥវ៉ាន់ដើម្បីយកទៅផ្ទះវិញ ។ ដោយឡែកជនសង្ស័យ និងជនរងគ្រោះបាននៅផឹកស៊ីជាមួយគ្នា ក្នុងពេលនោះជនរងគ្រោះមានភាពស្រវឹងខ្លាំងហើយបាននិយាយឡូឡាតែម្នាក់ឯង ហើយ ជនសង្ស័យបានទៅ ឃាត់ជនរងគ្រោះកុំឲ្យ មាត់ឡូឡា ទៀត ប៉ុន្តែជនរងគ្រោះមិនស្ដាប់ថែមទាំងនិយាយពាក្យមិនគប្បីទៅលើ ជនសង្ស័យ ភ្លាមនោះជនសង្ស័យខឹងហើយបានយកកែវស្រា គប់ទៅលើជនរងគ្រោះ ចំសៀតថ្កាខាងស្ដាំមួយកែវ បណ្ដាលឲ្យបែកហូរឈាមយ៉ាងខ្លាំង។ ក្រោធ្វើសកម្មភាពរួច ជនសង្ស័យ បានគេចខ្លួនបាត់។ ចំណែកជនរងគ្រោះត្រូវបានមិត្តភក្ក្រ និងបងប្អូននាំយកទៅព្យាបាល នៅមន្ទីរ
ពេទ្យភ្នំពេញ។
ករណីនេះប៉ុស្តិ៍និងជំនាញកំពុងបន្តស្រាវជ្រាវ រកជនសង្ស័យនិងកសាងសំណុំរឿង បន្តចាត់ការតាមនីតិវិធី៕