មណ្ឌលគិរី: នៅព្រឹកថ្ងៃទី១៦ ខែមីនា ឆ្នាំ២០២០ ក្រោយពីបានទទួលបទបញ្ជាដ៏ខ្ពង់ខ្ពស់របស់ថ្នាក់ដឹកនាំក្រសួងមហាផ្ទៃ លោក ឡោ សុខា ស្នងការនគរបាលខេត្តបានដាក់បទបញ្ជាយ៉ាងម៉ឺងម៉ាត់រឹតបន្តឹងការអនុវត្តនៅច្បាប់ចរាចរណ៍ផ្លូវគោកក្នុងខេត្តមណ្ឌលគិរី និងបានអនុវត្តន៍នៅអនុសាសន៍និងបទបញ្ជាថ្មីទៅលើករណីជំងឺកូវីដ-១៩(covid.19)ទៅលើអ្នកដំណើរនិងភ្ញៀវទេសចរជាតិ និងអន្តរជាតិដែលបានឆ្លងកាត់មកខេត្តមណ្ឌលគិរី ។
ដោយឆ្លើយតបនឹងបទបញ្ជារបស់ថ្នាក់ដឹកនាំក្រសួងមហាផ្ទៃ និងមានបទបញ្ជាយ៉ាងម៉ឺងម៉ាត់ពីលោក ឡោ សុខា ស្នងការនគរបាលខេត្ត កម្លាំងអធិការនគរបាលស្រុកកែវសីមា កម្លាំងនគរបាលប៉ុស្តិ៍ស្រែខ្ទុម និងកម្លាំងនគរបាលចរាចរណ៍ខេត្ត រួមនឹងកម្លាំងការពារព្រំដែន បានសហការជាមួយជំនាញគ្រូពេទ្យនៃមន្ទីរសុខាភិបាលខេត្ត និងគ្រូពេទ្យមណ្ឌលសុខភាពអូរអាម បានចុះធ្វើតេស្តវាស់កំម្ដៅលើអ្នកដំណើរជនជាតិខ្មែរអ៊ីស្លាមនៅចំណុចត្រង់ចំណុចព្រំប្រទល់ឆ្នែង ស្ថិតក្នុងភូមិឆ្នែង ឃុំស្រែខ្ទុម ស្រុកកែវសីមា ខេត្តមណ្ឌលគិរី ។
ជាលទ្ធផលក្នុងការពិនិត្យរកមុខសញ្ញាអ្នកដែលមានផ្ទុកនៅជំងឺកូវីដ-១៩(covid.19) ពុំមានអ្នកដំណើរជាតិ និងភ្ញៀវអន្តរជាតិណាម្នាក់មានផ្ទុកនៅវីរុសថ្មីឡើយ ៕
មតិយោបល់