ផ្ទះ ព័ត៌មានជាតិ សមត្ថកិច្ចឃាត...

សមត្ថកិច្ចឃាត់ខ្លួនជនសជនសង្ស័យ ២នាក់ជាប់ខ្នោះ ក្នុងចំណោមបក្ខពួក ៣នាក់ ករណីឆក់ទូរស័ព្ទដៃពីនារីបុគ្គលិកក្រុមហ៊ុនឯកជនម្នាក់

0

ភ្នំពេញ: នៅថ្ងៃទី១៨ ខែមីនា ឆ្នាំ២០២០ វេលាម៉ោង ៨និង៤០នាទីយប់ ប៉ុស្តិ៍នគរបាលរដ្ឋបាលអូរបែកក្អមឃាត់ខ្លួនជនសង្ស័យ ០២នាក់ ករណីឆក់ទូរសព្ទ័ដៃ ចំណុចតាផ្លូវណតប្រ៊ីត ភូមិអ័រគីដេរ សង្កាត់អូរបែកក្អម ខណ្ឌសែនសុខ រាជធានីភ្នំពេញ បង្កឡើងដោយជនសង្ស័យ០៣នាក់ គេចខ្លួន០១នាក់ ឈ្មោះ ម៉ី ។

ជនសង្ស័យ២នាក់រួមមាន៖
១-ឈ្មោះ ហេង ដារ៉ូ ភេទប្រុស អាយុ ២២ឆ្នាំ ជនជាតិខ្មែរ មុខរបរគ្មាន ស្នាក់នៅ ភូមិម័រ សង្កាត់ដង្កោ ខណ្ឌដង្កោ (មានសារធាតុញៀន)។
២-ឈ្មោះ អ៊ី តុលា ភេទប្រុស អាយុ ៣០ឆ្នាំ ជនជាតិខ្មែរ មុខរបរគ្មាន ស្នាក់នៅផ្ទះលេខ៦៣ ផ្លូវបេតុង សង្កាត់ស្ទឹងមានជ័យ ខណ្ឌមានជ័យ (មានសារធាតុញៀន) បានធ្វើសកម្មភាពឆក់ទូរសព្ទ័ដៃពីជនរងគ្រោះឈ្មោះ ជា សុជាតិ ភេទស្រី អាយុ ២១ឆ្នាំ ជនជាតិខ្មែរ មុខរបរបុគ្គលិកក្រុមហ៊ុនឯកជន ស្នាក់នៅបន្ទប់ជួល ភូមិបឹងសាឡាង សង្កាត់បឹងសាឡាង ខណ្ឌទួលគោក ។

សម្ភារ:បាត់បង់៖ គ្មាន ។
សម្ភារ:បន្សល់ទុក៖
-ទូរសព្ទ័ដៃ០១គ្រឿង ម៉ាកអាយហ្វូន ប្រគល់ឲ្យជនរងគ្រោះវិញ
-ម៉ូតូ០២គ្រឿង (១-ម៉ូតូម៉ាកស្មាស់ពណ៌ខ្មៅពាក់ស្លាកលេខភ្នំពេញ1BL-5284 , ២-តូម៉ាកអាយខុន ពណ៌សលាយលឿង ពាក់ផ្លាកលេខ ភ្នំពេញ1BQ-6191 (របស់ជនសង្ស័យ) ។

បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនីតិវិធី៕

មតិយោបល់