ភ្នំពេញៈ យោងតាមផេកការិយាល័យផ្សព្វផ្សាយតាមបណ្តាញសង្គម បានឲ្យដឹងថា នៅថ្ងៃអាទិត្យ ថ្ងៃទី១៩ ខែមេសា ឆ្នាំ២០២០ វេលាម៉ោង ១២និង៥០នាទីថ្ងៃត្រង់ នៅតាមបណ្ដោយផ្លូវ៤៣២ សង្កាត់ទួលទំពូង១ ខណ្ឌចំការមន រាជធានីភ្នំពេញ មានករណីគ្រោះថ្នាក់ចរាចរណ៍មួយកើតឡើងរវាងម៉ូតូ និងរថយន្ត ក្នុងទិសដៅស្របគ្នា ។
រថយន្តម៉ាក High Lander ពណ៌ស្លែ ពាក់ផ្លាកលេខ ភ្នំពេញ ២BB ២០៦៣ អ្នកបើកបរភេទប្រុស និងម៉ូតូម៉ាកហុងដាឌ្រីម ពណ៌ខ្មៅ ពាក់ផ្លាកលេខ ព្រៃវែង ១G ៩០៦១ ។ អ្នកបើកបរម៉ូតូរងរបួសស្រាល ត្រូវបានដឹកបញ្ជូនទៅកាន់មន្ទីរពេទ្យ ចំណែកម៉ូតូរងការខូចខាតយ៉ាងដំណំ និងរថយន្តខូចខាតផ្នែកខាងមុខខាងឆ្វេង ។
បច្ចុប្បន្នវត្ថុតាងត្រូវបានសមត្ថកិច្ចយកទៅរក្សាទុក ដើម្បីរង់ចាំធ្វើការដោះស្រាយគ្នា តាមនីតិវិធីផ្លូវច្បាប់ ៕
មតិយោបល់