ព័ត៌មានជាតិ

ប្រទះឃើញបុរស​ម្នាក់​ដេក​ស្លាប់​ បង្កការភ្ញាក់ផ្អើល នៅខេត្តកណ្តាល ​

​កណ្ដាល:​ យោងតាមផេកអគ្គស្នងការដ្ឋាននគរបាលជាតិ បានឲ្យដឹងថា បុរស​ម្នាក់​ត្រូវ​បាន​ពលរដ្ឋ​ប្រទះ​ឃើញ​ដេក​ស្លាប់​ សង្ស័យ​ខ្យល់គ​ កាលពី​វេលា​ម៉ោង​៧​និង​០០​នាទី​ព្រឹក​ ថ្ងៃ​ទី​២១​ ខែមេសា​ ឆ្នាំ​២០២០​ ចំណុច​សាលា​បុណ្យ​ភូមិ​ឈើទាល​ ឃុំ​ព្រែក​អញ្ចាញ​ ស្រុក​មុខកំពូល​ ខេត្តកណ្ដាល​ ។​

​​សមត្ថកិច្ច​បាន​ឲ្យ​ដឹង​ថា​ ជន​រង​គ្រោះ​ឈ្មោះ​ណែម​ ណឺ​ន​ ភេទ​ប្រុស​ អាយុ​៤៥​ឆ្នាំ​ ជនជាតិ​ខ្មែរ​មុខរបរ​ នៅផ្ទះ​មាន​ទីលំនៅ​ភូមិ​ឈើទាល​ ឃុំ​ ព្រែក​អញ្ចាញ​ ស្រុក​មុខកំពូល​ ខេត្តកណ្ដាល​ ។​
បើ​តាម​ការ​បំភ្លឺ​ពី​ ឈ្មោះ​ ណែម​ គុណ​លី​ ភេទ​ស្រី​ អាយុ​២៩​ឆ្នាំ​ ជនជាតិ​ខ្មែរ​ ត្រូវជា​ប្អូនបង្កើត​របស់​ ជន​រង​គ្រោះ​ ,​ ឈ្មោះ​ ណែម​ សុខា​ ភេទ​ប្រុស​ អាយុ​៣៥​ឆ្នាំ​ ជនជាតិ​ខ្មែរ​ ត្រូវជា​ប្អូនបង្កើត​របស់​ជន​រង​គ្រោះ​ និង​ឈ្មោះ​យ៉ង់​ មួយ​ហៀ​ង​ ភេទ​ស្រី​ អាយុ​៥០​ឆ្នាំ​ ជនជាតិ​ខ្មែរ​ ជា​អ្នក​ជិតខាង​ បាន​ប្រាប់​សមត្ថកិច្ច​ឲ្យ​ដឹង​ថា​​ ជន​រង​គ្រោះ​ មាន​ជំងឺ​ប្រចាំ​កាយ​ (​ទាច​ទឹក​)​ នៅ​ឆ្នាំ​២០១៩​ ក្រុម​គ្រួ​សារបាន​យក​ជន​រង​គ្រោះ​ទៅ​ព្យាបាល​នៅ​មន្ទីរពេទ្យ​ជប៉ុន​ក្នុងស្រុក​ពញាឮ​ ខេត្តកណ្ដាល​ ហើយ​គ្រូពេទ្យ​បាន​ហាមឃាត់​មិន​ឱ្យ​ជន​រង​គ្រោះ​ផឹកស្រា​នោះ​ទេ​ ។​ លុះ​ក្នុង​ខែកុម្ភ​:​ ឆ្នាំ​២០២០​ ជន​រង​គ្រោះ​បាន​លែងលះ​គ្នា​ជាមួយ​ប្រពន្ធ​ ក្រោយ​ពី​លែងលះ​គ្នា​ ប្រពន្ធ​ជន​រង​គ្រោះ​បាន​នាំ​កូន​០៣​នាក់​(​ស្រី​ទាំង​បី​)​ ទៅ​រស់នៅ​ស្រុក​កំណើត​របស់​ខ្លួន​នៅ​ឃុំ​ស្ដៅ​ ស្រុក​កងមាស​ ខេត្តកំពង់ចាម​ ។

ចំណែក​ជន​រង​គ្រោះ​ បាន​រស់នៅ​ជាមួយ​ម្ដាយបង្កើត​(​ជរា​)​ក្នុងភូមិ​ឃុំ​កើតហេតុ​ ។​ ក្រោយមក​ជន​រង​គ្រោះ​ខូចចិត្ត​ក៏​បាន​ដើរ​ផឹកស្រា​ជា​ប្រចាំ​ទាំងថ្ងៃទាំងយប់​ ដោយ​មិនសូវ​ហូប​បាយ​ទៀងទាត់​ទេ​ ហើយ​នៅ​ល្ងាច​ថ្ងៃ​ទី​២០​ ខែមេសា​ ឆ្នាំ​២០២០​ ជន​រង​គ្រោះ​បាន​ដើរ​ផឹកស្រា​ រហូត​ដល់​វេលា​ម៉ោង​២២​និង​០០​នាទី​ អ្នក​ជិតខាង​ បានឃើញ​ជន​រង​គ្រោះ​មក​ដេក​នៅ​កន្លែង​កើតហេតុ​ ។​ ដល់​វេលា​ម៉ោង​០៧​និង​០០​នាទី​ព្រឹក​នា​ថ្ងៃ​ទី​២១​ ខែមេសា​ ឆ្នាំ​២០២០​ ប្រជាពលរដ្ឋ​នៅ​ក្បែរ​កន្លែង​កើតហេតុ​បាន​រាយការណ៍​ជូន​សមត្ថកិច្ច​ប៉ុស្តិ៍​នគរបាល​រដ្ឋបាល​ព្រែក​អញ្ចាញ​ ថា​មាន​ សាកសព​បុរស​ម្នាក់​នៅ​កន្លែង​កើតហេតុ​។​

​ក្រោយ​ពី​ទទួល​ព័ត៌មាន​សមត្ថកិច្ច​ប៉ុស្តិ៍​ និង​ជំនាញ​ បាន​សហការ​ជាមួយ​អាជ្ញាធរ​និង​គ្រូពេទ្យ​ឃុំ​ចុះ​មក​ដល់​កន្លែង​កើតហេតុ​ ធ្វើការ​ពិនិត្យ​សាកសព​ជន​រង​គ្រោះ​ ​ នៅ​លើ​ខ្លួន​ជន​រង​គ្រោះ​ មិន​មាន​ស្លាកស្នាម​អ្វី​គួរ​ឲ្យ​កត់សម្គាល់​ឡើយ​ ។​

​ការ​សន្និដ្ឋាន​និង​វាយតម្លៃ​របស់​គ្រូពេទ្យ​បាន​បញ្ជាក់​ថា​ ជន​រង​គ្រោះ​ ស្លាប់​ដោយសារ​ខ្យល់គ​ ។​ បច្ចុប្បន្ន​សាកសព​ជន​រង​គ្រោះ​ បាន​ប្រគល់​ជូន​ក្រុម​គ្រួសារ ​ដើម្បី​ធ្វើបុណ្យ​តាម​ប្រពៃណី​ ៕

មតិយោបល់