ពោធិ៍សាត់ៈ យោងតាមផេករបស់ការិយាល័យផ្សព្វផ្សាយតាមបណ្តាញសង្គមបានឲ្យដឹងថា បុរសម្នាក់រងរបួសធ្ងន់ដោយឧបទ្ទវហេតុគ្រោះថ្នាក់ចរាចរណ៍មួយបង្កឡើងដោយរថយន្តមិនស្គាល់អត្តសញ្ញាណបើកគៀក្រឡាប់រឺម៉កសណ្តោង ករណីនេះកើតឡើងកាលពីវេលាម៉ោង៩និង៤២នាទីព្រឹកថ្ងៃទី២១ ខែមេសា ឆ្នាំ២០២០នៅលើផ្លូវក្រាលកៅស៊ូ១ខ្សែស្ថិតក្នុងភូមិវត្តជ្រែ ឃុំបឹងខ្នារ ស្រុកបាកាន ខេត្តពោធិ៍សាត់។
ប្រភពព័ត៌នៅកន្លែងកើតហេតុបានប្រាប់ឲ្យដឹងថា ជនរងគ្រោះឈ្មោះរឿន សុខជា ភេទប្រុសអាយុ២៦ឆ្នាំរស់នៅភូមិបឹងខ្នារ ឃុំបឹងខ្នារ ស្រុកបាកាន ខេត្តពោធិ៍សាត់បានជិះម៉ូតូម៉ាកវេ៉វគ្មានស្លាកលេខសណ្តោងរឺម៉ក បើកក្នុងទិសដៅពីជើងទៅត្បូងខណ:មកដល់ចំណុចកើតហេតុខាងលើក៍ស្រាប់តែមានបុរសមិនស្គាល់អត្តសញ្ញាណបើករថយន្តមិនស្គាល់ម៉ាកគៀក្រឡាប់រឺម៉កធ្វើឲ្យអ្នកបើកបរម៉ូតូដួលរងរបួសធ្ងន់ ក្រុមគ្រួសារបញ្ជូនមកសង្គ្រោះនៅមន្ទីរពេទ្យបង្អែក បាកាន។ ចំណែកអ្នកបើករថយន្តបានបន្ថែមល្បឿនបើករត់គេចខ្លួនបាត់៕