ស្ទឹងត្រែងៈ កាលពីវេលាម៉ោង២១និង៣០នាទីថ្ងៃទី២៣ ខែមេសា ឆ្នាំ២០២០ មានករណីភ្លើងឆេះផ្ទះប្រជាពលរដ្ឋមួយខ្នង បំផ្លាញទ្រព្យសម្បត្តិអស់ជាច្រើន នៅចំណុចក្រោយទួលស្រែត្នោត ស្ថិតនៅក្នុងភូមិថាឡាបរិវ៉ាត់ ឃុំថាឡាបរិវ៉ាត់ ស្រុកថាឡាបរិវ៉ាត់ ខេត្តស្ទឹងត្រែង ។

ជនរងគ្រោះមានឈ្មោះ លី តាហ៊ួ ផ្ទះដែលត្រូវអគ្គិភ័យឆេះមានទំហំ ៦x៧ បាំងក្តារដំបូលប្រក់ស័ង្កសី ។

មូលហេតុ៖ ករណីអគ្គិភ័យខាងលើនេះ មិនទាន់ដឹងពិតប្រាកដនូវឡើយនោះទេ ។

សូមបញ្ជាក់ថា៖ ផ្ទះឆេះបានរងការខូចខាតទាំងស្រុង ហើយសមត្ថកិច្ចបានប្រើប្រាស់រថយន្តពន្លត់អគ្គិភ័យ អស់ទឹកចំនួនពីររថយន្ត ទើបគ្រប់គ្រងស្ថានការណ៍បាន មិនបណ្តាលឲ្យភ្លើងឆេះ រាលដាលបន្តទៅកន្លែងផ្សេងទៀត ៕