ភ្នំពេញៈ នៅវេលាម៉ោង ១និង១០នាទីរំលងអធ្រាត្រឈានចូលថ្ងៃទី២៨ ខែមេសា ឆ្នាំ២០២០ មានករណីជនសង្ស័យម្នាក់បានទាញកាំបិតផ្គាក់ កាប់ប្តីប្រពន្ធ បណ្ដាលឲ្យប្ដីរងរបួស ស្ថិតត្រង់ចំណុចបេនឡានរិទ្ធមុន្នី តាមបណ្តោយផ្លូវម៉ៅសេទុង សង្កាត់បឹងសាឡាង ខណ្ឌទួលគោក រាជធានីភ្នំពេញ។

ជនសង្ស័យឈ្មោះ អៀង ថន ភេទប្រុស អាយុ ៦២ឆ្នាំ មុខរបរ ធ្វើចម្ការ ស្នាក់នៅ ភូមិមនោងក្រោម ឃុំជ្រៃ ស្រុកស្វាយអន្ទរ ខេត្តព្រៃវែង។

ដំណើររឿង៖ មុនពេលកើតហេតុ គេបានឃើញប្តីប្រពន្ធរងគ្រោះខាងលើ ចុះពីលើរថយន្តក្រុង ហើយអង្គុយនៅលើបង់ រង់ចាំបងប្អូនមកយក ខណៈនោះស្រាប់តែ មានជនសង្ស័យម្នាក់ ទាញកាប់កាំបិតផ្គាក់កាប់តែម្ដង បណ្ដាលឲ្យរងរបួសស្មាធ្ងន់ធ្ងរ។

សូមបញ្ជាក់៖ ក្រោយពីកើតហេតុភ្លាមៗ ជនសង្ស័យត្រូវបានសមត្ថកិច្ចឃាត់ខ្លួន យកទៅសួរនាំនៅប៉ុស្តិ៍នគរបាលរដ្ឋបាលបឹងសាឡាង ដើម្បីចាត់ការនីតិវិធី រីឯជនរងគ្រោះ ត្រូវបានបញ្ជូនទៅ សម្រាក់ព្យាបាលនៅមន្ទីរពេទ្យ៕