ព្រះសីហនុៈ កាលពីព្រឹកថ្ងៃ៣០ ខែមេសា ឆ្នាំ២០២០ មានបុរសម្នាក់ ជាកូនដៃទូកនេសាទអូសមងក្តាម ដែលធ្លាក់ទឹកបាត់ខ្លួន បានរកសាកសពឃើញហើយ នៅរសៀលថ្ងៃដដែល ដោយទូកអូសមឹក១គ្រឿង អូសជាប់សាកសព មានចម្ងាយពីឆ្នេរសមុទ្រ ជាង៣០០ម៉ែត្រ ស្ថិតនៅភូមិព្រែកស្វាយ សង្កាត់កោះរ៉ុង ក្រុងកោះរ៉ុង ខេត្តព្រះសីហនុ ។

សពជនរងគ្រោះមានឈ្មោះ សំ សុខចាន់ ភេទប្រុស អាយុ៣០ឆ្នាំ មុខរបរជាកូនដៃទូកនេសាទ រស់នៅភូមិទំនប់រលក ស្រុកស្ទឹងហាវ ខេត្តព្រះសីហនុ ។ បន្ទាប់ពីរកឃើញសាកសពជនរងគ្រោះ សមត្ថកិច្ចបានយកទៅលើគោក ដើម្បីឲ្យមន្ត្រីជំនាញនិងវិទ្យាសាស្រ្ត ពិនិត្យធ្វើកោសល្យវិច័យ តាមនីវិធីរបស់សមត្ថកិច្ច ​មុននឹងប្រគល់សពទៅឲ្យសាច់ញាតិ រៀបចំធ្វើបុណ្យតាមប្រពៃណី ៕