បាត់ដំបងៈ កាលពីវេលាម៉ោង ១៦ និង៣៥នាទីថ្ងៃទី ៣០ ខែមេសា ឆ្នាំ២០ ២០ កម្លាំងផ្នែកជំនាញអធិការដ្ឋានស្រុកសំពៅលូន និងកម្លាំងប៉ុស្តិ៍នគរបាលរដ្ឋបាលសិរីមានជ័យ បានចុះបង្រ្កាបករណីរក្សា ទុកដោយខុសច្បាប់នូវសារធាតុញៀន ០១ករណី ក្នុងបទល្មើសជាក់ស្តែង នៅចំណុចភូមិពោធិ៍ជ្រៃ ឃុំសិរីមានជ័យ ស្រុកសំពៅលូន ខេត្តបាត់ដំបង។
ជាលទ្ធផលឃាត់ខ្លួនបានជនសង្ស័យចំនួន០៣នាក់៖
១-ឈ្មោះ គង់ វុទ្ធី (ធី) ភេទប្រុស អាយុ ៣៦ ឆ្នាំ មានទីលំនៅភូមិប្រឡាយប្រាក់ ឃុំអង្គរបាន ស្រុកសំពៅលូន ខេត្តបាត់ដំបង
២-ឈ្មោះ ប៊ុន ម៉ាលីស ភេទប្រុស អាយុ ៣០ ឆ្នាំ មានទីលំនៅភូមិត្រពាំងព្រលិត ឃុំសន្តិភាព ស្រុកសំពៅលូន ខេត្តបាត់ដំបង
៣-ឈ្មោះ ង៉ូវ សា ភេទប្រុស អាយុ ២៦ ឆ្នាំ មានទីលំនៅភូមិពោជ្រៃ ឃុំសិរីមានជ័យ ស្រុកសំពៅលូន ខេត្តបាត់ដំបង។
ដកហូតវត្ថុតាងរួមមាន៖
-ថ្នាំញៀនប្រភេទមេតំហ្វេតាមីនម៉ាទឹកកកICE ចំនួន ០៥ ថង់ (មិនទាន់ថ្លឹងទម្ងន់)
-ថ្នាំញៀនប្រភេទមេតំហ្វេតាមីន យ៉ាម៉ា WYចំនួន ៣៧៨ គ្រាប់ (មិនទាន់ថ្លឹងទម្ងន់)
-ជញ្ជីងសម្រាប់ថ្លឹងថ្នាំញៀន លក់ចំនួនពីរគ្រឿង
-ម៉ូតូចំនួន០១គ្រឿង
-ប្រាក់រៀលចំនួន ០១លានរៀល
-ប្រាក់បាតថៃចំនួន ០៥ពាន់បាត។
ក្រោយពេលសាកសួររួច បច្ចុប្បន្នជនសង្ស័យ និងវត្ថុតាង ត្រូវបាននគរបាលស្រុក កសាងសំណុំរឿង បញ្ជូនមកការិយាល័យជំនាញចាត់ការតាម នីតិវិធីច្បាប់៕
មតិយោបល់