Post News Media ព័ត៌មានជាតិ អភិបាលខេត្តព្...

អភិបាលខេត្តព្រះវិហារ អំពាវនាវដល់ប្រជាកសិករថែរក្សាទឹកក្នុងស្រែឲ្យបានល្អ

ព្រះវិហារ: នាព្រឹកថ្ងៃទី០៤​ ខែសីហា ឆ្នាំ២០១៦នេះ​ លោក​​ អ៊ុ​ ម៉ារ៉ា​ អភិបាលខេត្តព្រះវិហារ​ រួមជាមួយថ្នាក់ដឹកនាំខេត្ត​ មន្ទីរ​ អង្គភាពជុំវិញខេត្ត​ កម្លាំងប្រដាប់អាវុធទាំង​៣​ និងកម្លាំងសហភាពសហព័ន្ធយុវជនកម្ពុជាខេត្តព្រះវិហារ​ បានចុះជួយស្ទូងស្រូវប្រជាពលរដ្ឋ​ នៅភូមិសម្បូរ​ ឃុំសង្កែពីរ​ ស្រុកឆែប។

​​លោក​​ អ៊ុ​ ម៉ារ៉ា​ អភិបាលខេត្តព្រះវិហារបានគូសបញ្ជាក់ថា​ ការចុះស្ទូងពេលនេះមិនមែនជាលើកទី១​ទេ​ ព្រោះជារៀងរាល់ឆ្នាំអាជ្ញាធរខេត្តតែងតែចុះជួយ​ស្ទូងស្រូវ​ ប្រជាពលរដ្ឋជាប្រចាំព្រមទាំងបានអំពាវនាវដល់​ប្រជាពលរដ្ឋ​ដូចតទៅ៖
-ថែរក្សាទឹកក្នុងស្រែឲ្យបានល្អ​
​-ប្រជាពលរដ្ឋឲ្យទៅចូលរួមចុះឈ្មោះបោះឆ្នោតក្នុងបញ្ជីបោះឆ្នោតថ្មី​ ដែលចាប់ពីថ្ងៃទី១/០៩​ ដល់ថ្ងៃទី២៨/១១/១៦
​-អាជ្ញាធរក្រុង​ ស្រុង សូមបន្តពិនិត្យ​ និងចុះជួយស្ទូងស្រូវប្រជាពលរដ្ឋ​ដែលខ្វះកម្លាំងស្ទូងក្នុងមូលដ្ឋានរបស់ខ្លួន។

​ជាមួយគ្នានេះដែរ​ លោក​បានជួយដល់ប្រជាពលរដ្ឋ​រួមមាន៖ ជួសជុលផ្លូវ​ ១ខ្សែប្រវែងប្រមាណ​ ១គីឡូម៉ែត្រ នៅភូមិសម្បូរ​ ឃុំសង្កែពីរ​ សាងសង់ផ្លូវពីភូមិជោគជ័យ​ ឃុំសង្កែពីរ​ ភ្ជាប់ទៅកាន់ឃុំសង្កែមួយ​ ប្រវែង​ប្រមាណ​២គីឡូម៉ែត្រ លើកទំនប់ទប់ទឹកប្រវែងប្រមាណ​ ២០០ម៉ែត្រ ភូមិក្រឡោត​ ឃុំសង្កែពីរ​ ជួយសាងសង់សាលារៀនធ្វើអំពីឈើប្រក់ស័ង្កសី
១ខ្នង​ ២បន្ទប់នៅភូមិសម្បូរ​ ឃុំសង្កែពីរ​។

​ក្នុងឱកាសនេះដែរ​ លោក​ក៏​បាន​ពាំនាំនូវអំណោយចែកជូន​​ប្រជាកសិករប្រមាណ​១៥០នាក់ ក្នុងម្នាក់ៗទទួលបានគ្រាប់ពូជបន្លែគ្រប់មុខ​ ក្រមា​១ និង​ថវិកា​១ម៉ឺនរៀល រួមទាំង​កម្លាំងសមត្ថកិច្ច​១០០នាក់ ក្នុង​ម្នាក់ៗទទួល​បាន​ថវិកា​១ម៉ឺនរៀល៕

photo_2016-08-04_10-16-48 (2)

photo_2016-08-04_10-16-48

photo_2016-08-04_10-16-49

photo_2016-08-04_10-16-50 (2)

photo_2016-08-04_10-16-50

photo_2016-08-04_10-16-51 (2)

photo_2016-08-04_10-16-51

photo_2016-08-04_10-16-52