ស្វាយរៀងៈ កាលពីវេលាម៉ោង៧និង០០នាទី ថ្ងៃទី១០ ខែឧសភា ឆ្នាំ២០២០ ករណីបុរសម្នាក់តខ្សែភ្លើងម៉ូទ័របូមទឹក ខ្វះការប្រុងប្រយ័ត្ន បណ្ដាលឲ្យឆក់ស្លាប់ បង្កការភ្ញាក់ផ្អើល ស្ថិតនៅភូមិសំយោង ឃុំសំយោង ស្រុកំពង់រោទិ៍ ខេត្តស្វាយរៀង ។

ជនរងគ្រោះឈ្មោះ នេត ផល្លី អាយុ៥៦ឆ្នាំ មុខរបរកសិករ រស់នៅភូមិ-ឃុំកើតហេតុ ។

ដំណើររឿង៖ ក្រុមគ្រួសារបានប្រាប់សមត្ថកិច្ចថា នៅមុនពេលកើតហេតុ ទម្លាប់ជនរងគ្រោះ ពេលព្រឹកគាត់តែងតែបូមទឹកដាក់ពាង ហើយនៅព្រឹកកើតហេតុ ជនរងគ្រោះបានទាញខ្សែភ្លើងដាក់តម៉ូទ័រ ដើម្បីបូមទឹក ប៉ុន្តែមិនបានបិទបារ៉ែតភ្លើងនោះទេ កំពុងរាយខ្សែចេញទៅក្រៅផ្ទះ បណ្តាលឲ្យខ្សែភ្លើងឆក់ដួល បង្កការភ្ញាក់ផ្អើល ដល់ក្រុមគ្រួសារស្រែកឲ្យគេលើកជនរងគ្រោះ កប់ដីខ្សាច់និងធ្វើចលនារាងកាយ រួចក៏ដឹកទៅមន្ទីរពេទ្យ តែគ្រោះអកុសលជួយមិនបាន ជនរងគ្រោះក៏ដាច់ខ្យល់ស្លាប់តែម្តង ៕