ព័ត៌មានជាតិ

ចេញពីការជួបជុំសំដៅទៅផ្ទះស្រាប់តែមួយក្រុមទៀតមកពីក្រោយមានរថយន្ត១និងម៉ូតូប្រហែល៦គ្រឿងស្ទាក់ក្រុមម៉ូតូរបស់ជនរងគ្រោះ ឈប់រួចវាយតែម្តង

កណ្តាល: ករណីហិង្សាដោយចេតនា កាលពីថ្ងៃទី០៥ ខែមិថុនា ឆ្នាំ ២០១៩វេលា ម៉ោង៩និង៣០នាទី ចំណុចផ្លូវជាតិលេខ១ ក្នុងភូមិ គគីរ ឃុំគគីរ ស្រុកកៀនស្វាយ ខេត្តកណ្តាល ។
ជនរងគ្រោះ០៣ នាក់
១.ឈ្មោះ ម៉ៅ នី ភេទប្រុស អាយុ ២៨ ឆ្នាំជនជាតិខ្មែរ មានទីលំនៅ ភូមិ កណ្តាលលើ ឃុំ បន្ទាយដែក ស្រុកកៀនស្វាយ ខេត្តកណ្តាល មុខរបរកម្មករ ។
២.ឈ្មោះសួន មុន្នីវិរ:បុត្រ ភេទប្រុស អាយុ ២០ឆ្នាំជនជាតិ ខ្មែរ ទីលំនៅ ភូមិកណ្តាលលើ ឃុំបន្ទាយដែក ស្រុកកៀនស្វាយ ខេត្តកណ្តាល មុខរបរ បើកបររថយន្ត ។
៣.ឈ្មោះ អួន ចាន់ដន ភេទប្រុស អាយុ២៦ ឆ្នាំ (ខ្មែរ) ទីលំនៅ ភូមិ ព្រែកប៉ុល ឃុំបន្ទាយដែក ស្រុកកៀនស្វាយ ខេត្តកណ្តាល មុខរបរ កសិករ។
ចំណែកជនសង្ស័យ០៥ នាក់៖(គេចខ្លួន)
១.ឈ្មោះ ជា សុីថា ភេទប្រុសអាយុ ២០ ឆ្នាំជនជាតិខ្មែរ មុខរបរ មិនពិតប្រាកដ ។
២.ឈ្មោះជា វាសនា ភេទប្រុស អាយុ ២៥ឆ្នាំជនជាតិ ខ្មែរមុខរបរមិនពិតប្រាកដ។ ទាំង០២នាក់ មានទីលំនៅ
ភូមិកោះប្រាក់ ឃុំភូមិធំ ស្រុកកៀនស្វាយ ខេត្តកណ្តាល។
៣.ឈ្មោះ គឹម សៀងហុង ភេទប្រុស អាយុ១៧ឆ្នាំជនជាតិខ្មែរ មុខរបរ មិនពិតប្រាកដ ។
៤.ឈ្មោះ ជា ចាន់សិលា (ណាន់) ភេទប្រុស អាយុ២៧ ឆ្នាំជនជាតិខ្មែរ មុខរបរ មិនពិតប្រាកដ ទាំង០២នាក់
មានទីលំនៅ ភូមិភូមិធំ ឃុំភូមិធំ ស្រុកកៀនស្វាយ ខេត្តកណ្តាល ។
៥.ឈ្មោះ ជា សុី ហ្វូ ហៅ ជុយ ភេទប្រុសអាយុ១៧ឆ្នាំ ជនជាតិខ្មែរ មានទីលំនៅជាមួយគ្នា (គេចខ្លួន)។
សម្ភារ:ខូចខាត ៖ម៉ូតូ០៣គ្រឿង
១.ម៉ាក ហុងដាC125 ផលិតឆ្នាំ ២០១២ ពណ៌ខ្មៅ ស្លាកលេខ ភ្នំពេញ 1BE.5265។
២.ម៉ាក Yamaha FZ ពណ៌ខ្មៅ ស្លាកលេខ ភ្នំពេញ 1HS.3339 ។
៣.ម៉ាកYamaha ExciterGP ពណ៌ខៀវ លាយទឹកប្រាក់គ្មានស្លាកលេខ។
វត្ថុតាងចាប់យក ៖
១.ឈើជ្រុង០១ ទំហំ៥គុណ២ ប្រវែង ១.៤ម៉ែត្រ
២.ដុំថ្ម០៣ដុំ
៣.ដងអំបោះជ័រ ពណ៌ក្រហម ០១ ប្រវែង ០.៥១ ម៉ែត្រ
៤.ខ្សែក្រវ៉ាត់ ០១ ពណ៌ខ្មៅ អត់ក្បាល ប្រវែង ១.០៧ ម៉ែត្រ ។
តាមរឿងហេតុ
នៅថ្ងៃខែ ឆ្នាំ វេលាម៉ោង ១០និង៣០នាទីក្រុមជនរងគ្រោះ ខាងលើរួមនឹង មិត្តភក្តិ០៣នាក់ទៀត បាននាំគ្នាអង្គុយផឹកស្រាបៀរ និងស្រាក្រឡុក នៅចំណុចមុខផ្សារកៀនស្វាយផ្លាហ្សា ពេលកំពុង ផឹកបានមួយសន្ទុះ មានក្រុមជនសង្ស័យខាងលើ មកអង្គុយផឹកស្រានៅតុក្បែរតុជនរងគ្រោះ ហើយ
ជនសង្ស័យបានសម្លឹងមកតុជនរងគ្រោះ (លក្ខណ:ចង់បង្កររឿង) ជនរងគ្រោះឃើញដូចនេះ បាន នាំគ្នាគិតលុយរួចជិះម៉ូតូចេញ បំណងទៅផ្ទះ ពេលកំពុងជិះ ស្រាប់តែឃើញមានរថយន្ត០១គ្រឿង និងម៉ូតូប្រហែល ០៦គ្រឿង(ក្រុមជនសង្ស័យ) បានដេញក្រុមម៉ូតូជនរងគ្រោះតាមក្រោយ រហូតមកដល់ចំណុច មុខធនាគារស្ថាបនា ស្ថិតក្នុងភូមិគគីរ ឃុំគគីរ ស្រុកកៀនស្វាយ ក្រុមជនសង្ស័យ បានស្ទាក់ក្រុមម៉ូតូរបស់ជនរងគ្រោះ ឈប់រួចវាយទៅលើជនរងគ្រោះ តែជនរងគ្រោះបាននាំគ្នារត់ទៅពួន ចូលតាមច្រក (ធនាគារស្ថាបនា) ចំណែកក្រុមជនសង្ស័យបាននាំគ្នា វាយទៅលើម៉ូតូរបស់ជនរងគ្រោះ បណ្តាលឲ្យខូចខាត រួចបាននាំគ្នាជិះគេចខ្លួនបាត់ ។
បន្ទាប់មក ជនរងគ្រោះ បានមកដាក់ពាក្យបណ្តឹងនៅប៉ុស្តិ៍នគរបាលរដ្ឋបាល គគីរ ក្រោយពីទទួលបានបណ្តឹង
រួចកម្លាំង ប៉ុស្តិ៍បានចុះទៅ ដល់កន្លែងកើតហេតុ បានយកវត្ថុតាងខាងលើយកមកប៉ុស្តិ៍ និងធ្វើការសាកសួរទៅជនរងគ្រោះរួចបានបញ្ជូនវត្ថុតាង និងសម្ភារ:ខូចខាតមកអធិការដ្ឋាននគរ
បាលស្រុកកៀនស្វាយ ដើម្បីបន្តចាត់ការតាមនីតិវិធី ៕

 

មតិយោបល់