តាកែវៈ នៅថ្ងៃចន្ទ០៣ ខែជេស្ឋ ឆ្នាំជូត ទោស័កព,ស២៥៦៤ ត្រូវនឹងថ្ងៃទី០៨ ខែមិថុនា ឆ្នាំ២០២០ វេលាម៉ោង ០២និង៣០នាទីទៀបភ្លឺ កម្លាំងអធិការដ្ឋាននគរបាលស្រុកគិរីវង់ បានបង្រ្កាបករណីជួញដូរ និងប្រើប្រាស់ដោយខុសច្បាប់ នូវសារធាតុញៀន នៅចំណុចកែងជុំមិត្ត ស្ថិតនៅភូមិពោធិ៍ខ្វិត ឃុំព្រះបាទជាន់ជុំ ស្រុកគិរីវង់ ខេត្តតាកែវ ឃាត់ខ្លួនមុខសញ្ញាបានម្នាក់មានឈ្មោះ សែន ពិដែន ភេទប្រុស អាយុ ២៦ឆ្នាំ មានទីលំនៅភូមិពោធិ៍ ឃុំព្រះបាទជាន់ ស្រុកគិរីវង់ ខេត្តតាកែវ (មុខសញ្ញាសកម្ម) ដកហូតបានវត្ថុតាង៖ ម្សៅក្រាមពណ៌សថ្លាចំនួន ០៦កញ្ចាប់តូច ម៉ូតូមួយគ្រឿង និងសម្ភារមួយចំនួន។

បច្ចុប្បន្នជនសង្ស័យ កម្លាំងជំនាញកំពុងធ្វើការសាកសួរ ដើម្បីកសាងសំណុំរឿងបញ្ជូនទៅសាលាដំបូងខេត្ត ចាត់ការតាមនីតិវិធីច្បាប់៕