ពោធិ៍សាត់: នៅថ្ងៃទី៩ ខែមិថុនា ឆ្នាំ២០២០ វេលាម៉ោង៩និង៣០នាទីព្រឹក មានករណីគ្រោះថ្នាក់ខ្សែភ្លើងឆក់ ស្ថិតក្នុងភូមិកម្រ៉ែង ឃុំស្វាយស
ស្រុកក្រគរ ខេត្តពោធិ៍សាត់។

ជនរងគ្រោះឈ្មោះ ហ៊ុន គឹមហឿន ភេទប្រុស អាយុ ៣០ឆ្នាំ ជនជាតិខ្មែរ មានប្រពន្ធឈ្មោះ ម៉ុង ស៊ីវឡាវ អាយុ ៣៣ឆ្នាំ ជនជាតិខ្មែរ
មានកូនចំនួន ២នាក់ប្រុសម្នាក់ មានទីលំនៅភូមិកម្រ៉ែង ឃុំស្វាយស ស្រុកក្រគរ ខេត្តពោធិ៍សាត់ ។

មូលហេតុ៖ ជនរងគ្រោះឡើងផ្សាសំយ៉ាបផ្ទះ ពេលកាត់ដែក ទាញដែកប៉ះខ្សែភ្លើង មានតំណ បណ្តាលឲ្យឆក់ជនរងគ្រោះប្រកាច់
ធ្លាក់មកដី បញ្ជូនដល់មន្ទីរពេទ្យបង្អែកឃុំស្វាយសជនរងគ្រោះបានដាច់ខ្យល់ស្លាប់ ។

សពជនរងគ្រោះ សមត្ថកិច្ចបានធ្វើកំណត់ហេតុប្រគល់ជូនក្រុមគ្រួសារ តាមបញ្ជារបស់លោក កូយ កាន់យ៉ា ព្រះរាជអាជ្ញា នៃអយ្យការអមសាលាដំបូង
ខេត្តពោធិ៍សាត់ ចុះថ្ងៃទី៩ ខែមិថុនា ឆ្នាំ២០២០ វេលាម៉ោង១២និង៣០នាទី ដើម្បីយកទៅធ្វើបុណ្យតាមប្រពៃណី៕