ផ្ទះ ព័ត៌មានជាតិ បើកម៉ូតូលឿនមិ...

បើកម៉ូតូលឿនមិនប្រយ័ត្នប៉ះកាងគោយន្តកន្ត្រៃ របួសស្រាល

0

ព្រះវិហារ: ​ជិះម៉ូតូធុន​ធំ​លឿនមិន​ប្រយ័ត្ន​ ជ្រុលចង្កូត​ប៉ះ​កាងគោយន្តកន្ត្រៃ បណ្តាលឲ្យ
រងបួស​ស្រាល កាលពី​វេលាម៉ោង៧៖៥០នាទី ព្រឹកថ្ងៃទី០៥ ខែសីហា ឆ្នាំ២០១៦ នៅត្រង់ចំណុចផ្លូវលេខបូក ​ក្នុង​ភូមិស្រយង់ ត្បូងឃុំស្រយង់ ស្រុកគូលែន ខេត្តព្រះវិហារ។

ប្រភព​ពីសាក្សីដែល​ឃើញហេតុការណ៍បាន​​ឲ្យដឹងថា បុរស​ម្នាក់​បានបើកម៉ូតូអាត្រៃ ពាក់ស្លាកលេខ ខេមរភូមិន្ទ1-3048 យ៉ាងលឿនពីលិចមកកើត លុះមកដល់ផ្លូវលេខបូក វាក់អឺគោយន្តកន្ត្រៃ ដែលឈប់​ស្ងាមនៅលើផ្លូវ ក៏ជ្រុល​ប៉ះកាងគោយន្តកន្ត្រៃ បណ្តាលឲ្យ​រងរបួសជើងខាងឆ្វេង ​ដោយបើកបរម៉ូតូ ​ឈ្មោះ សុំ ឌី ភេទប្រុស អាយុប្រហែល៣៨ឆ្នាំ មុខរបរ​ជាងប្រចាំការឲ្យក្រុមហ៊ុនម៉ាឡេស៊ី និង​ប្រធានសន្តិសុខក្រុមហ៊ុននៅភូមិស្រយង់ត្បូង ឃុំស្រយង់។

ក្រោយ​កើតហេតុ វត្ថុតាង​ត្រូ​វបាន​កម្លាំងនគរបាល​ប៉ុស្តិ៍ឃាត់ទុក ដើម្បី​រងចាំជនរងគ្រោះ​មកដោះស្រាយ។ ប៉ុន្តែ ជនរងគ្រោះសំណូមពរដល់មន្ត្រី​នគរបាល​​ប្រគល់គោយន្ត​​ឲ្យ​ទៅគាត់វិញ ដោយ​ជន​រងគ្រោះផ្ទាល់​មិន​បានដាក់ពាក្យ​បណ្តឹងទេ៕

photo_2016-08-05_11-37-14 photo_2016-08-05_11-37-15 photo_2016-08-05_11-37-16

photo_2016-08-05_11-37-14 (2)

មតិយោបល់