ប៉ៃលិនៈ​ យោងតាមផេក ការិយាល័យផ្សព្វផ្សាយតាមបណ្តាញសង្គម បានឲ្យដឹងថា វេលាម៉ោង០៩និង៣០នាទីព្រឹកនៅថ្ងៃច័ន្ទ ១០រោច ខែ ជេស្ឋ ឆ្នាំជូត​ ទោស័ក ព.ស.២៥៦៤ ត្រូវនឹងថ្ងៃទី១៥ ខែមិថុនា​ ឆ្នាំ២០២០ មានករណីគ្រោះថ្នាក់ចរាចរណ៍មួយបានកើតឡើងដោយខ្លួនឯង ជិះម៉ូតូដួលចំនួន០១ករណី នៅចំណុចក្បែរស្ដេចកន ស្ថិតនៅភូមិ ស្ទឹងកាច់ ឃុំស្ទឹងកាច់ ស្រុកសាលាក្រៅ ខេត្តប៉ៃលិន។

ជនរងគ្រោះឈ្មោះ ស្វាយ ឃី ភេទប្រុស អាយុ៦២ឆ្នាំ មានទីលំនៅបច្ចុប្បន្ននៅភូមិ អណ្ដូងថ្ម ឃុំស្ទឹងកាច់ ស្រុកសាលាក្រៅ ខេត្តប៉ៃលិន បើកបរម៉ូតូម៉ាកសង់ឌ្រីម ស៊េរី ២០១៥ ពណ៌ខ្មៅ ពាក់ផ្លាកលេខ ប៉ៃលិន 1B-0997 គ្នាពាក់មួកការពារសុវត្ថិភាព បើកបរក្នុងស្ថានភាពស្រវឹង (រងរបួសស្រាល) ។ អ្នករួមដំណើរឈ្មោះ ប៉ុន ពាង ភេទប្រុស មានទីលំនៅបច្ចុប្បន្ននៅភូមិអណ្ដូងថ្ម ឃុំស្ទឹងកាច់ ស្រុកសាលាក្រៅ ខេត្តប៉ៃលិន រួមដំណើរដោយគ្មានពាក់មួកសុវត្ថិភាព (រងរបួសធ្ងន់) ។

មូលហេតុ​៖ គ្រោះថ្នាក់ចរាចរណ៍នេះ កើតឡើងដោយសារកត្តាមនុស្សបើកបរក្នុងស្ថានភាពស្រវឹង ។

បច្ចុប្បន្នម៉ូតូត្រូវបានយកទៅរក្សាទុកនៅប៉ុស្តិ៍នគរបាលរដ្ឋបាលស្ទឹងកាច់ ចំណែកឯជនរងគ្រោះត្រូវបានសាច់ញាតិបញ្ជូនទៅមន្ទីរពេទ្យបង្អែកខេត្តប៉ៃលិន ៕