កោះកុងៈ កាលពីព្រឹកថ្ងៃទី៥ សីហា ឆ្នាំ២០១៦នេះ ប្រជាពលរដ្ឋប្រទះឃើញសាកសពបុរសម្នាក់ចងកសម្លាប់ខ្លួន នៅក្នុងបរិវេណវត្តចាំយាម ស្ថិតក្នុងឃុំប៉ាក់ខ្លង ស្រុកមណ្ឌលសីមា។
សមត្ថកិច្ច បានឲ្យដឹងថា បុរសដែលធ្វើអត្តឃាតចងកសម្លាប់ខ្លួននេះ មានឈ្មោះ សួន សែត ភេទប្រុស អាយុ៣៨ឆ្នាំ រស់នៅភូមិចាំយាម ឃុំប៉ាក់ខ្លង ស្រុកមណ្ឌលសីមា ខេត្តកោះកុង និងមានប្រពន្ធឈ្មោះ ម៉ាន់ សុភ័ក្រ ភេទស្រី អាយុ៣៤ឆ្នាំ និងកូនចំនួន២នាក់។
ក្រោយការពិនិត្យ និងធ្វើកោសល្យវិច្ច័យ សមត្ថកិច្ចបានសន្និដ្ឋានថា ជនរងគ្រោះខាងលើពិតជាបានធ្វើអត្តឃាតដោយចងកសម្លាប់ខ្លួនពិតប្រាកដមែន ព្រោះតែជនរងគ្រោះមានជម្ងឺប្រចាំកាយ។
បច្ចុប្បន្ន សមត្ថកិច្ចបានប្រគល់សពឲ្យទៅក្រុមគ្រួសារ យកទៅធ្វើបុណ្យតាមប្រពៃណី៕
មតិយោបល់