មណ្ឌលគិរី: នៅថ្ងៃព្រហស្បតិ៍ ០៥កើត ខែអាសាឍ ឆ្នាំជូត ទោកស័ក ព.ស.២៥៦៤ ត្រូវនឹងថ្ងៃទី២៥ ខែមិថុនា ឆ្នាំ២០២០ វេលាម៉ោង១០និង៤០នាទី មានករណីអគ្គិភ័យឆេះផ្ទះ ប្រជាពលរដ្ឋអស់ចំនួន០១ខ្នង ធ្វើអំពីឈើ ដំបូលប្រក់ស័ង្កសី ដែលមានទំហំ ១០មX៧ម ស្ថិតក្នុងភូមិស្វាយចេក សង្កាត់រសុខដុម ក្រុងសែនមនោរម្យ ខេត្តមណ្ឌលគិរី ។

ម្ចាស់ផ្ទះឈ្មោះ នើម ឡាង ភេទប្រុស អាយុ៣១ឆ្នាំ ជនជាតិព្នង មុខបរបរកសិករ ប្រពន្ធឈ្មោះ ធី ហ៊ាប ភេទស្រី អាយុ២៦ឆ្នាំ ជនជាតិព្នង មុខរបរកសិករ មានកូនប្រុស-ស្រីចំនួន០២នាក់ ។

មូលហេតុ៖ បណ្តាលមកពីទុស្សេខ្សែភ្លើង ។ ទ្រព្យសម្បត្តិដែលត្រូវខូចខាតរួមមាន៖ មាស០២តម្លឹង, លុយខ្មែរ៦លានរៀល, លុយដុល្លារ៣៦០០$, អង្ក០៦បេ និងសម្ភារ:នៅក្នុងផ្ទះនោះឆេះអស់ទាំងអស់ ។

ករណីភ្លើងឆេះខាងលើនេះ ដឹកនាំដោយលោកឧត្តសេនីយ៍ត្រី អ៊ូច វុធ ស្នងការរងទទួលផែនអគ្គិភ័យ លោកអធិការដ្ឋាននគរបាលក្រុង និងកម្លាំងប៉ុស្តិ៍រមនា ដោយប្រើប្រាស់ទឹកអស់ចំនួន០៣ឡាន បានភ្លើងរលត់ទាំងស្រុង មិនបណ្តាលឲ្យឆេះរាលដាលបន្តទៀត ៕