តាកែវៈ នៅវេលាម៉ោង១១និង៤០នាទីថ្ងៃទី០៨ ខែកក្កដា ឆ្នាំ២០២០ នៅលើផ្លូវលេខ១២៩B ត្រង់ចំណុចមុខវត្តត្រើយឃ្លោក ចន្លោះបង្គោលគីឡូម៉ែត្រលេខ៨និងលេខ៩
ស្ថិតនៅក្នុងភូមិតាយឹង ឃុំដូងខ្ពស់ ស្រុកបុរីជលសារ ខេត្តតាកែវ ។ មានករណីគ្រោះថ្នាក់ចរាចរណ៍មួយកើតឡើង រវាងថយន្តនិងម៉ូតូ បណ្តាលឲ្យបុរសម្នាក់រងរបួសធ្ងន់ ។

ករណីគ្រោះថ្នាក់ចរាចរណ៍ រវាងរថយន្តនិងម៉ូតូខាងលើនេះ ខណៈបើកបរទិសដៅស្របគ្នា ពីលិចទៅកើត ចំណែករថយន្តម៉ាក សាំយ៉ុង ពណ៌ស ពាក់ផ្លាកលេខ ភ្នំពេញ 2AN4840 បើកបរដោយឈ្មោះ រុន វ៉ាន់ ភេទប្រុស អាយុ៣២ឆ្នាំ មានទីលំនៅភូមិ តារ៉េនជោគ ឃុំអង្កាញ់ ស្រុកទ្រាំង ខេត្តតាកែវ បានបត់ឆ្វេង រីឯអ្នកបើកបរម៉ូតូម៉ាក ឃ្លីក ពណ៌ខ្មៅ ពាក់ផ្លាកលេខភ្នំពេញ 1DG2781 ឈ្មោះ សឹម ម៉ូល ភេទប្រុស អាយុ២០ឆ្នាំ មានទីលំនៅភូមិ ព្រៃហៀវ ឃុំគោកពោធិ៍ ស្រុកបុរីជលសារ ខេត្តតាកែវ បានប៉ះរថយន្តបណ្តាលឲ្យដួលម៉ូតូ រងរបួសត្រូវដឹកបញ្ជូនទៅកាន់មន្ទីរពេទ្យ ដើម្បីព្យាបាល ។

ក្រោយពេលកើតហេតុ វត្ថុតាងទាំងពីរគ្រឿងខាងលើនេះ ត្រូវបានសមត្ថកិច្ចយកទៅរក្សាទុក ដើម្បីចាត់ការតាមនីតិវិធីផ្លូវច្បាប់ ៕