ប៉ៃលិនៈ យោងតាមផេកការិយាល័យ ផ្សព្វផ្សាយតាមបណ្តាញសង្គម បានឲ្យដឹងថា ថ្ងៃពុធ ១កើត ខែភទ្របទ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី១៩ ខែសីហា ឆ្នាំ២០២០ កាលពីវេលាម៉ោង១៧ និង២០នាទី មានករណីគ្រោះថ្នាក់ចរាចរណ៍ផ្លូវគោកមួយ រវាង រថយន្ដនិងអ្នកថ្មើរជើង ត្រង់ចំណុចមុខអាហារដ្ឋានយីហោ «ជុំគ្រួសារ » ស្ថិតក្នុងភូមិប៉ាងរលឹម សង្កាត់អូរតាវ៉ៅ ក្រុងប៉ៃលិន ខេត្តប៉ៃលិន ។
ជនរងគ្រោះឈ្មោះ ដាំ រ៉ាវ៉ាឌី ភេទស្រីអាយុ១៨ឆ្នាំ រស់នៅភូមិប៉ាងរលឹម សង្កាត់អូរតាវ៉ៅ ក្រុងប៉ៃលិន ខេត្តប៉ៃលិន។ ចំណែកឯជនបង្ក បានបើករថយន្ដគេចខ្លួនបាត់ទៅ។
ក្រោយពីបានទទួលព័ត៌មានភ្លាម កម្លាំងជំនាញ បានចុះទៅដល់កន្លែងកើតហេតុ ដើម្បីធ្វើការស្រាវជ្រាវ រកមុខអ្នកបើកបរ។ ជនរងគ្រោះ បានស្លាប់ក្រោយពេលបញ្ជូនមកដល់មន្ទីរពេទ្យខេត្ដបាត់ដំបង។
បន្ទាប់មកកម្លាំងសមត្ថកិច្ច ក៏បានបញ្ជូនសាកសពទៅកាន់ គេហដ្ឋាននៃសព ដើម្បីធ្វើបុណ្យតាមប្រពៃណី៕
មតិយោបល់