ព្រះសីហនុៈ យោងតាមផេកការិយាល័យផ្សព្វផ្សាយតាមបណ្តាញសង្គម ថ្ងៃអាទិត្យ ៥ កើត ខែភទ្របទ ឆ្នាំជូត ទោស័ក ពស ២៥៦៤ត្រូវនឹងថ្ងៃទី២៣ ខែសីហា ឆ្នាំ២០២០ លោកលោកវរសេនីយ៍ទោ ខឹម សុផល នាយការិយាល័យនគរបាលចរាចរណ៍ផ្លូវទឹកខេត្តព្រះសីហនុ បានឲ្យដឹងថា៖ នៅព្រឹកថ្ងៃទី២៣ ខែសីហា ឆ្នាំ២០២០នេះ កម្លាំងនគរបាលចរាចរណ៍ផ្លូវទឹក កម្លាំងអធិការដ្ឋាននគរបាលក្រុងកោះរ៉ុង ក្រុមហ៊ុនជីធីវីស៊ី (GTVC)ដឹកជញ្ជូនផ្លូវទឹក របស់លោកឧកញ៉ាទៀ វិចិត្រ បានសហការគ្នា កំពុងស្វែងរកជនរងគ្រោះម្នាក់ឈ្មោះឈឹម ឆេង ភេទប្រុសអាយុ៣៣ឆ្នាំ មានទីលំនៅភូមិ៣ សង្កាត់លេខ១ ក្រុងព្រះសីហនុ ដែលបានចេញទៅនេសាទហើយធ្លាក់ទឹកបាត់ខ្លួន តាំងពីយប់ថ្ងៃទី២១មកម្ល៉េះ រហូតដល់ពេលនេះ មានរយៈពេល៣ថ្ងៃហើយ។
កម្លាំងសមត្ថកិច្ចលើផ្ទៃសមុទ្រ និងក្រុមហ៊ុនជីធីវីស៊ី ដឹកជញ្ជូនផ្លូវទឹក កំពុងល្បាតស្វែងរក តែនៅមិនទាន់បានរកឃើញនៅឡើយទេ៕
មតិយោបល់