ព្រះសីហនុៈ កាលពីវេលាម៉ោង ១០និង៣០នាទីយប់ថ្ងៃទី២៤ ខែសីហា ឆ្នាំ២០២០ មានករណីគ្រោះថ្នាក់ចរាចរណ៍រវាងរថយន្តធំ ២គ្រឿងបុកគ្នា នៅឃ្លាំងលើ សង្កាត់លេខ១ ក្រុង/ខេត្តព្រះសីហនុ ។

ដំណើររឿង៖ មុនពេលកើតហេតុ មានរថយន្តកុងតឺន័រម៉ាក BERBILT ពណ៌ខៀវ ពាក់ផ្លាកលេខ ព្រះសីហនុ 3A-7268 អ្នកបើកបរឈ្មោះ ម៉ៃ ម៉ុក ភេទប្រុស អាយុ ៣៤ឆ្នាំ មានទីលំនៅខេត្តកំពង់ស្ពឺ មានទិសដៅចេញពីក្រុងព្រះសីហនុ បុកជាមួយរថយន្តធុនធំ ០១គ្រឿងម៉ាក HINO ពណ៌ស ពាក់ផ្លាកលេខ ភ្នំពេញ 3E-9418 (អ្នកបើកបរមិនទាន់ស្គាល់អត្តសញ្ញាណ) មានទិសដៅផ្ទុយគ្នា ។

សូមបញ្ជាក់៖ ករណីនេះក្រោយពីកើតហេតុ អ្នកបើកបររត់គេចខ្លួនបាត់៕