ភ្នំពេញៈ កម្លាំងជំនាញសង្នការរាជធានីភ្នំពេញ បានឆ្មក់ចូលបង្ក្រាបទីតាំងក្លឹបកម្សាន្ត មួយកន្លែង បើកបង្កប់ប្រើប្រាស់ថ្នាំក្រវី ឃាត់ខ្លួនមនុស្សជាច្រើននាក់។

ប្រតិបត្តិការនេះ ធ្វើទ្បើងកាលពីវេលាម៉ោង ១ នឹង១៥នាទីរំលងអធ្រត្រ ឈានចូលថ្ងៃទី២៦ ខែសីហា ឆ្នាំ២០២០ តាមបណ្តោយផ្លូវ២០៦ កែងផ្លូវ២១៩ ត្រង់ចំណុចក្លឹប យីហោGood18 នៅម្តុំផ្សារដេប៉ូស្ថោត ក្នុងសង្កាត់ផ្សារដេប៉ូ១ ខណ្ឌទួលគោក រាជធានីភ្នំពេញ។

សមត្ថកិច្ច បានឲ្យដឹងថា ដោយមានបទបញ្ជាផ្ទាល់ពីលោក ស ថេត ស្នងការនគរបាលរាជធានីភ្នំពេញ បានបញ្ជាឲ្យកម្លាំងជំនាញគ្រប់ផ្នែក ជាពិសេសឲ្យលោក វីរៈសេនីយ៍ឯក ប៊ុនសត្យា ប្រធានការិយាល័យព្រហ្មទណ្ឌកម្រិតស្រាល ធ្វើការស្រាវជ្រាវ រហូតឈានដល់ការចុះបង្ក្រាប ទីតាំងក្លឹបខាងលើ ដែលមានបង្កប់ប្រើប្រាស់ថ្នាំក្រវី ដោយបានឃាត់ខ្លួនបានជនសង្ស័យស្រីចំនួន ៤០នាក់ ប្រុសចំនួន៥៣នាក់ និងរថយន្តគ្រប់ប្រភេទចំនួន ១៨គ្រឿង ព្រមទាំអថ្នាំញៀនជាច្រើនផង។

ជនសង្ស័យទាំងអស់ ត្រូវបានសមត្ថកិច្ច បញ្ជូនទៅកាន់សង្នការរាជធានីភ្នំពេញ ដើម្បីចាត់ការទៅតាមផ្លូវច្បាប់៕