ផ្ទះ ព័ត៌មានជាតិ សមត្ថកិច្ចឃាត...

សមត្ថកិច្ចឃាត់ខ្លួនជនសង្ស័យម្នាក់ ពីបទលួចទូរស័ព្ទដៃ

0

យោងតាមផេកស្នងការដ្ឋាននគរបាលរាជធានីភ្នំពេញបានឲ្យដឹងថា នៅ​ថ្ងៃ២៩ ខែសីហា ឆ្នាំ២០២០ វេលា​ម៉ោង១៩.២០នាទី ចំណុច​តូប​លក់​កាហ្វេ មុខផ្ទះ​លេខ០២ ផ្លូវ៤០២ ក្រុម១៩ ភូមិ៣ សង្កាត់​ទំនប់ទឹក ខណ្ឌ​បឹង​កេងកង កម្លាំងសមត្ថកិច្ច ប៉ុស្ដិ៍នគរបាលរដ្ឋបាល ទំនប់ទឹក ខណ្ឌបឹងកេងកង បានឃាត់ខ្លួនជនសង្ស័យម្នាក់ ​ឈ្មោះ ជ័រ សុ​ភ័​ក្ត ភេទ ប្រុស ជនជាតិខ្មែរ អាយុ ៣២ ឆ្នាំ ស្នាក់នៅ​ផ្ទះជួល ភូមិ​ដើម​ច័ន្ទ សង្កាត់​ច្បារអំពៅ២ ខណ្ឌ​ច្បារអំពៅ រាជធានី​ភ្នំពេញ មុខរបរ​មិន​ពិតប្រាកដ ។

សមត្ថកិច្ចបានឲ្យដឹងថា ជនរងគ្រោះ​ឈ្មោះ​សុខ ស៊ី​ដេ​ត កំពុង​លក់​កាហ្វេ​ក្នុង​តូប ​មុខផ្ទះ​លេខ​ខាងលើ​នៅពេលនោះ​ ជនរងគ្រោះ​ទៅ​ទុក​ក្នុងផ្ទះ​ដោយ​ទុក​ទូរស័ព្ទ​ នៅក្នុង​តូប​រួច​ក៏​ចូលក្នុង​ផ្ទះ​ បាន​ត្រលប់មក​លក់​វិញ​ពេលនោះ ​ស្រាប់តែ​បានឃើញ​ជនសង្ស័យ​ស្ទុះ​ចេញពី​ក្នុង​តូប​លក់​កាហ្វេ​ ដោយបាន​កាន់​ទូរស័ព្ទ​ដាក់​នៅក្នុង​ហោប៉ៅ​ខាងឆ្វេង ​ហើយ​រត់​យ៉ាង​លឿន​តាម​បណ្ដោយ​ផ្លូវ១៨៧ ជនរងគ្រោះ​បាន​ស្រែកថាចោរៗ និង​ស្រែក​ឱ្យគេ​ជួយ ក៏ត្រូវ​ឃាត់ខ្លួន​ជនសង្ស័យ​បាន​ជាក់ស្ដែង​ជាមួយ និង​វត្ថុតាង។

ពេលនោះ​កម្លាំង​សមត្ថកិច្ច​ ដែល​កំពុង​ល្បាត​បានឃើញ​ហេតុការណ៍ ​បាន​ចូលទៅ​អន្តរាគមន៍ ឃើញ​ជនសង្ស័យ មាន​ស្នាមរបួស​ពកថ្ងាស និង​បែកក្បាល​ហូរឈាម សមត្ថកិច្ច​បាន​ឃាត់ខ្លួន​ជនសង្ស័យ​មក​ទីស្នាក់ការ​ប៉ុស្ដិ៍។

វត្ថុតាង​ដកហូត​មាន៖ ទូរ​សព្ទ​ដៃ០១ គ្រឿង​ម៉ាក I phone 11 Pro Max ពណ៍​បៃតង ត្រូវបាន​ប្រគល់ជូន​ជនរងគ្រោះ។

បច្ចុប្បន្នជនសង្ស័យរួមទាំងវត្ថុតាង កំពុងឃាត់ខ្លួននៅអធិការដ្ឋាននគរបាល ខណ្ឌ​បឹង​កេងកង​ ដើម្បីកសាងសំណុំរឿងចាត់ការបន្តតាមនីតិវិធីច្បាប់៕

មតិយោបល់