ផ្ទះ ព័ត៌មានជាតិ សមត្ថកិច្ចឃាត...

សមត្ថកិច្ចឃាត់ខ្លួនជនសង្ស័យម្នាក់ ពាក់ព័ន្ធករណីរំលោភទំនុកចិត្ត និងប្រើសារធាតុញៀន

0

ប៉ៃលិន: យោងតាមផេកផ្សព្វផ្សាយអប់រំ ក្រសួងមហាផ្ទៃបានឲ្យដឹងថា នៅវេលា​ម៉ោង​ ១៣និង០០​នាទី​ ថ្ងៃ​ទី​០៨​ ខែកញ្ញា​ ឆ្នាំ២០២០​ បានចាត់ឲ្យលោកអនុសេនីយ៍ឯក អ៉ឹម ឬទ្ធី អធិការរង ស្រុកសាលាក្រៅ ដឹកនាំកម្លាំងជំនាញផ្នែក នៃអធិការដ្ឋាននគរបាល ស្រុកសាលាក្រៅ​ ចុះនាំខ្លួនជនសង្ស័យឈ្មោះ​ ទង​ សុខគា​ ភេទប្រុស​ អាយុ ៣៣​ឆ្នាំ​ រស់នៅភូមិប៉ោយសំរោង​ ឃុំតាពូង​ ស្រុកថ្មគោល​ ខេត្តបាត់ដំបង​ ដែលពាក់ព័ន្ធក្នុងករណី​ រំលោភទំនុកចិត្ត​ និងប្រើប្រាស់ដោយខុសច្បាប់នូវសារធាតុញៀន​ ដោយមានការអនុញ្ញាតពី ឯកឧត្តម ព្រះ​រាជអាជ្ញា​ នៃអយ្យកាអមសាលាដំបូងខេត្តប៉ៃលិន​ និងលោកឧត្តមសេនីយ៍ ស្នងការ នគរបាលខេត្តប៉ៃលិន​ ព្រមទាំងមានការសហការជាមួយ​ កម្លាំងជំនាញនៃអធិការដ្ឋាននគរបាលស្រុកថ្មគោល​ ផងដែរ​ ។

បច្ចុប្បន្ន​៖ ជនសង្ស័យ​ត្រូវ​បាន​ឃាត់ខ្លួននៅអធិការដ្ឋាននគរបាល ស្រុកសាលាក្រៅ​ ដើម្បីចាត់ការតាមនីតិវិធីច្បាប់​ ៕

មតិយោបល់