ព្រះវិហារៈ ថ្ងៃព្រហស្បតិ៍ ១៥រោច ខែភទ្របទ ឆ្នាំជូត ទោស័ក ព.ស. ២៥៦៤ ត្រូវនឹងថ្ងៃទី១៧ ខែកញ្ញា ឆ្នាំ២០២០ វេលាម៉ោង០៨និង០០នាទី មានករណីគ្រោះថ្នាក់អគ្គិភ័យ នៅចំណុចយានដ្ឋាន ធិប ថែប ស្ថិតក្នុងភូមិឆែបលិច ឃុំឆែបមួយ ស្រុកឆែប ខេត្តព្រះវិហារ បណ្ដាលឲ្យឆេះយានដ្ឋាន០១ខ្នង ទំហំ ១២ម៉ែត្រ x១៦ម៉ែត្រ (ខូចខាតទាំងស្រុង ) ផ្ទះ០១ខ្នង ធ្វើអំពីឈើ ប្រក់សង្កសី (ខូចខាតជញ្ជាំងមួយជំហៀង) និងខូចខាតសម្ភារៈប្រើប្រាស់មួយចំនួន ។

មូលហេតុ៖ បណ្ដាលមកពីឆ្លងចរន្តអគ្គិសនី ។

ក្រោយទទួលព័ត៌មាន កម្លាំងជំនាញនៃ ស្នងការដ្ឋាននគរបាលខេត្ត សហការជាមួយកម្លាំង នគរបាលស្រុកឆែប ស្រុកត្បែងមានជ័យ និងស្រុកជ័យសែន ចុះអន្តរាគមន៍ ពន្លត់ទប់ស្កាត់ ដោយប្រើប្រាស់រថយន្ដពន្លត់អគ្គិភ័យ សរុបចំនួន០៧ គ្រឿង ប្រើប្រាស់ទឹកអស់ចំនួន១២ រថយន្ត ។ ករណីខាងលើ នេះ ពុំបណ្ដាលឲ្យមានមនុស្សរងគ្រោះថ្នាក់ឡើយ ។