បើតាមការចាំបាន ក្រុមហ៊ុន Google ធ្លាប់បាននិយាយថា កម្មវិធី Youtube នឹងមិនមានសម្រាប់ Windows Phone ឡើយ ប៉ុន្តែកាលពីថ្មីៗនេះ បែបជា Google ប្រកាសបង្ហាញ កម្មវិធី Youtube សម្រាប់ Windows Phone ជាផ្លូវការទៅវិញ។
ក្រោយពេលដាក់ឲ្យប្រើប្រាស់ជាផ្លូវការបានប៉ុន្មានថ្ងៃ ស្រាប់តែ កម្មវិធី Youtube មានបញ្ហា ដែលធ្វើឲ្យអ្នកនាំពាក្យរបស់ YouTube ចេញមុខនិយាយថា កម្មវិធី Youtube សម្រាប់ Windows Phone ត្រូវបានបិទ។
ក្រុមហ៊ុន Microsoft ពិតជាខឹងខ្លាំងណាស់នឹងទង្វើបែបនេះរបស់ Google ប៉ុន្តែមិនដឹងជាធ្វើដូចម្ដ៉េច ព្រោះថា Microsoft ធ្លាប់បានបង្កើត ម្មវិធី Youtube សម្រាប់ Windows Phone ដោយខ្លួនឯងម្ដងរួចទៅហើយ ប៉ុន្តែត្រូវបាន Google គំរាមឲ្យបិទវិញ។
គួរបញ្ជាក់ផងដែរថា ក្រុមហ៊ុន Google ហាក់ដូចជាមិនចង់សហការល្អជាមួយនឹង Microsoft នោះទេ ព្រោះថាមានកម្មវិធីមួយចំនួន Google មិនបានផ្ដល់សិទ្ធិឲ្យអ្នកប្រើ Windows Phone ប្រើនោះទេ៕
មតិយោបល់