ផ្ទះ ព័ត៌មានជាតិ មេក្លោងជួញដូរ...

មេក្លោងជួញដូរគ្រឿងញៀនម្នាក់ និងបក្ខពួក ត្រូវសមត្ថកិច្ចឃាត់ខ្លួន នៅស្រុកពញាឮ

0

កណ្តាល: យោងតាមផេកអគ្គស្នងការដ្ឋាននគរបាលជាតិ បានឲ្យដឹងថា កម្លាំងនគរបាលស្រុកពញាឮ បានឃាត់ខ្លួនជនសង្ស័យ ជួញដូរ និងប្រើប្រាស់ ដោយខុសច្បាប់នូវសារធាតុញៀន ៤នាក់ កាលពីថ្ងៃទី ១៨ ខែកញ្ញា ឆ្នាំ ២០២០ វេលាម៉ោង ១៣ និង ១០ នាទី នៅចំណុចភូមិប្រក់ក្តារ ឃុំវិហារលួង ស្រុកពញាឮ ខេត្តកណ្តាល។

ជនសង្ស័យរួមមាន ៖
១.ឈ្មោះ ទឹម ប៊ុនធឿន ហៅពឿន ភេទ ប្រុស អាយុ ៣៨ ឆ្នាំ ជនជាតិខ្មែរ មុខរបរ គ្មាន មានទីលំនៅ ភូមិប្រក់ក្តារ ឃុំវិហារលួង ស្រុកពញាឮ ស្រុកពញាឮ ខេត្តកណ្តាល មានសារធាតុញៀនក្នុងទឹកនោម (ជាមុខសញ្ញាជួញដូរ មិនរាងចាល ធ្លាប់ជាប់ពន្ធនាគារខេត្តកំពង់ស្ពឺ រយ:ពេល ០២ឆ្នាំ)។
២.ឈ្មោះ សាន់ ម៉ូត ហៅ រ៉ូ ភេទប្រុស អាយុ ១៨ ឆ្នាំ ជនជាតិខ្មែរឥស្លាម មុខរបរ កម្មករបម្រើការងារហាងបាយ ស៊ូម ម្ហូបអាហារ មានទីលំនៅភូមិអូឬស្សី ឃុំអូរឬស្សី ស្រុកកំពង់ត្រឡាច ខេត្តកំពង់ឆ្នាំង (មានសារធាតុញៀនក្នុងទឹកនោម) ប្រើប្រាស់ ។
៣.ឈ្មោះ សេង សុវ៉ា ភេទ ប្រុស អាយុ ២០ ឆ្នាំ ជនជាតិខ្មែរ មុខរបរ គ្មាន មានទីលំនៅភូមិ កោះចិន ឃុំកោះចិន ស្រុកពញាឮ ខេត្តកណ្តាល ( មានសារធាតុញៀន ក្នុងទឹកនោម) ប្រើប្រាស់។
៤.ឈ្មោះ អឿ ដាលីន ភេទស្រី អាយុ ២៣ ឆ្នាំ ជនជាតិខ្មែរ មុខរបរ គ្មាន មានទីលំនៅ ភូមិថ្នល់បត់ ឃុំកោះចិន ស្រុកពញាឮ ខេត្តកណ្តាល ( មានសារធាតុញៀនក្នុងទឹកនោម) ប្រើប្រាស។

វត្ថុតាងចាប់យក ៖
-សារធាតុញៀន មេតំហ្វេតាមីន(ice) ចំនួន ០៤កញ្ចប់ (កញ្ចប់មធ្យម) ទម្ងន់ ៨,៨៦ ក្រាម
-ជញ្ជីងអេឡិចត្រូនិចចំនួន០១ គ្រឿង
-ទូរសព្ទ័ចំនួន០៥ គ្រឿង
-ឧបករណ៍ សម្រាប់វិចខ្ចប់ និងប្រើប្រាស់សារធាតុញៀន មួយចំនួន ។

សភាពនៃរឿងហេតុ ៖ នៅថ្ងៃកើតហេតុ មានកម្លាំងមហាជន បានរាយការណ៍ ផ្នែកជំនាញថា៖
នៅចំណុចកើតហេតុ មានជនសង្ស័យ ប្រមូលផ្តុំគ្នាជួញដូរ និងប្រើប្រាស់ថ្នាំញៀនយ៉ាងសកម្ម មេក្លោងឈ្មោះ ពឿន ធ្វើសកម្មភាពលក់ថ្នាំញៀនរាល់ថ្ងៃ ។

ក្រោយពីបានទទួលព័ត៌មានកម្លាំង ផ្នែកជំនាញ សហការ កម្លាំងប៉ុស្តិ៍រដ្ឋបាល វិហារលួង និង ផ្សារដែក បានចុះឃ្លាំមើល និងប្រើវិធានការរដ្ឋបាល ដល់កន្លែងកើតហេតុ បង្ក្រាបចាប់ឃាត់ខ្លួនជនសង្ស័យ និងចាប់យកវត្ថុតាង បញ្ជូនមកអធិការដ្ឋាន ដើម្បីសាសួរ។

នៅចំពោះមុខសមត្ថកិច្ចជនសង្ស័យ ឈ្មោះ ទឹម ប៊ុនធឿន ហៅពឿន សារភាពថា ៖ ខ្លួនពិតជាបានជួញដូរថ្នាំញៀនមែន ដោយថ្នាំញៀននេះ គឺទៅទិញនៅម្តុំពេទ្យលោកសង្ឃ និង នៅម្តុំរ៉ា ពោធិចិនតុង ក្រុងភ្នំពេញ យកមកលក់ផង ជក់ខ្លួនឯងផង។

ជនសង្ស័យឈ្មោះ សាន់ ម៉ូត ហៅរ៉ូ ,សេង សុវ៉ា និងឈ្មោះអឿ ដាលីន បាមសារភាពថា ចេះប្រើប្រាស់ថ្នាំញៀន ដោយមូលហេតុមិត្តភក្តិអូសទាញ ទៅកន្លែងកើតហេតុ គឺដើម្បីប្រើប្រាស់គ្រឿងញៀន ដោយឈ្មោះ ទឹម ប៊ុនធឿន ហៅពឿន ជាអ្នកឲ្យថ្នាំញៀន ។

បច្ចុប្បន្នជនសង្ស័យ បានឃាត់ខ្លួននៅអធិការដ្ឋាននគរបាលស្រុកពញាឮ ដើម្បីបន្តចាត់ការតាមនីតិវិធី៕

មតិយោបល់