ភ្នំពេញ: មន្ត្រីជាន់ខ្ពស់រាជរដ្ឋាភិបាល បានប្រាប់ Post News ឲ្យដឹងថា លោក វ៉ាង យី (Wang Yi) រដ្ឋមន្ត្រីការបរទេស នៃសាធារណរដ្ឋប្រជាមានិតចិន នឹងដឹកនាំគណ:ប្រតិភូអញ្ជើញមកកម្ពុជា នៅវេលាម៉ោងប្រមាណជាង០៩:០០ យប់ថ្ងៃទី២១ ខែមេសា ឆ្នាំ២០១៦ នេះ។

មន្ត្រីបន្តថា នៅវេលាម៉ោង០៩:០០ ព្រឹកថ្ងៃទី២២ ខែមេសា លោក វ៉ាង យី នឹងជួបពិភាក្សាការងារ ជាមួយលោកទេសរដ្ឋមន្ត្រី ប្រាក់ សុខុន រដ្ឋមន្ត្រីក្រសួងការបរទេសកម្ពុជា។ បន្ទាប់ពីជំនួបចប់ រដ្ឋមន្ត្រីការបរទេស នៃប្រទេសទាំងពីរ នឹងធ្វើសន្និសីទកាសែតរួមគ្នា ស្តីពីលទ្ធផលនៃកិច្ចប្រជុំពិភាក្សា។

លោកវ៉ាង យី (Wang Yi) រដ្ឋមន្ត្រីការបរទេស នៃសាធារណរដ្ឋប្រជាមានិតចិន ដឹកនាំគណ:ប្រតិភូ មកបំពេញទស្សនកិច្ចផ្លូវការនៅ ព្រះរាជាណាចក្រកម្ពុជា រយ:ពេល ២ថ្ងៃ គឺចាប់ពីថ្ងៃទី២១ ដល់ថ្ងៃទី២២ ខែមេសា ឆ្នាំ២០១៦ ដើម្បីពង្រឹងបន្ថែមទៀត នូវទំនាក់ដ៏ល្អ និងពង្រីកកិច្ចសហប្រតិបត្តិការ រវាងប្រទេសទាំងពីរ ផងដែរ៕