ពោធិ៍សាត់: យោងតាមផេកអគ្គស្នងការដ្ឋាននគរបាលជាតិបានឲ្យដឹងថា បុរសវ័យចំណាស់ម្នាក់លង់ទឹកស្លាប់ ខណ:ទៅមើលមងរាយយកត្រី ។ ហេតុការណ៍នេះកើតឡើងកាលពីថ្ងៃទី៤ ខែតុលា ឆ្នាំ២០២០ វេលាម៉ោងប្រហែល៨ព្រឹក ត្រង់ចំណុចបឹងរូងខាង កើតផ្ទះជនរងគ្រោះ ចម្ងាយ៧០ម៉ែត្រ ស្ថិតនៅភូមិសំសាន្ត ឃុំតាលោ ស្រុកតាលោសែនជ័យ ខេត្តពោធិ៍សាត់ ។
ប្រភពពីក្រុមគ្រួសារជនរងគ្រោះបានឲ្យដឹងថា មុនពេលកើតហេតុជនរងគ្រោឈ្មោះ សួន វឿន ភេទប្រុស អាយុ៦៦ឆ្នាំ មានតួនាទីជាអនុភូមិសំសាន្ត រស់នៅភូមិឃុំ កើតហេតុខាងលើ បានចេញពីផ្ទះ ទៅមើលមង នៅចំណុចខាងលើ ខណ:ពេលក្រុមគ្រួសារបាត់ជនរងគ្រោះយូរ ក៍ទៅតាម ប្រទះឃើញជនរងគ្រោះបានលង់ទឹកស្លាប់បាត់ទៅហើយ ។ ពួកគាត់ជាក្រុមគ្រួសារមិនអស់ចិត្តក៏បញ្ជូនជនរងគ្រោះទៅមណ្ឌលសុខភាពបន្តទៀត តែក្រុមគ្រូពេទ្យមិនអាចជួយបាន ដោយបញ្ជាក់ថា គាត់ស្លាប់តាំងពីនៅកន្លែងកើតហេតុមកម្ល៉េះ ។
បច្ចុប្បន្ន ក្រុមគ្រួសារចាត់ចែងធ្វើធ្វើបុណ្យតាមប្រពៃណីនៅលំនៅដ្ឋាននៃសព ៕
មតិយោបល់