ផ្ទះ ព័ត៌មានជាតិ ឃាត់ខ្លួននារី...

ឃាត់ខ្លួននារីរត់​តុ​តាម​ហាងម្នាក់ ករណី​ចែកចាយ​ថ្នាំ​ញៀន និងដកហូតវត្ថុតាងជាច្រើនកញ្ចប់

0

​កណ្តាល:​ យោងតាមផក អគ្គស្នងការដ្ឋាននគរបាលជាតិ បានឲ្យដឹងថា នារី​ម្នាក់​ត្រូវ​បាន​សមត្ថកិច្ច​នគរបាល​ក្រុង​តា​ខ្មៅ​ឃាត់ខ្លួន​ ពាក់ព័ន្ធ​ករណី​ ​ជួញដូរ​ដោយ​ខុសច្បាប់​នូវ​សារធាតុ​ញៀន​ ។ជនសង្ស័យ​មានឈ្មោះ​ មីន​ ឆេ​ង​លី​ ភេទ​ស្រី​ អាយុ​១៨​ឆ្នាំ​មុខរបរ​ រត់​តុ​តាម​ហាង​ ។​ ប​ច្ចុ​ប្ប​ន្នៅ​ស្នាក់​នៅ​ក្នុង​ហាង​ពន្លឺ​ពេជ្រ​ ក្នុងភូមិ​ព្រែក​រុន​ ឃុំ​ព្រែក​តូច​ ស្រុក​ស្អាង​ ខេត្តកណ្តាល​ ត្រូវ​បាន​សមត្ថកិច្ច​ឃាត់ខ្លួន​នៅ​ថ្ងៃ​ទី​២២​ ខែតុលា​ ឆ្នាំ​២០២០​ ​វេលា​ម៉ោង​១២​និង​៤៥​នាទី​ នៅ​ចំណុច​ ចម្ការ​ស្វាយ​ភូមិ​ព្រែក​ខ្សេវ​ សង្កាត់​រការ​ខ្ពស់​ ក្រុង​តា​ខ្មៅ​ ខេត្តកណ្តាល​ ។​

​វត្ថុ​តាង​ចាប់​យក​មាន​៖​ ម្សៅ​ក្រាម​ពណ៌​ស​ថ្លា​ សង្ស័យ​ជា​សារធាតុ​ញៀន​ (​ម៉ា​ទឹកកក​)​ ចំនួន​១២​កញ្ចប់​ និង​វត្ថុ​តាង​មួយ​ចំនួន​ទៀត​ ។​

​សមត្ថកិច្ច​បាន​ឲ្យ​ដឹង​ថា​ កម្លាំង​នគរបាល​ផ្នែក​ប្រឆាំង​គ្រឿងញៀន​ក្រុង​តា​ខ្មៅ​ សហការ​ជាមួយ​ កម្លាំង​នគរបាល​ប៉ុស្ដិ៍រ​ការ​ខ្ពស់​ បន្ទាប់​ពី​ទទួល​បាន​ ព័ត៌មាន​ពី​ប្រជាពលរដ្ឋ​ថា​ នៅ​ចំណុច​កើតហេតុ​មានការ​ចែកចាយ​ និង​ជួញដូរ​ ថ្នាំ​ញៀន​ កម្លាំង​បាន​ចុះ​ទៅ​ដល់​ចំណុច​កើតហេតុ​ខាងលើ​ ក៏​ឃើញ​ជនសង្ស័យ​ កំពុង​តែ​រត់គេច​ខ្លួន​ក៏​ឃាត់ខ្លួន​សួរនាំ​រក​ឃើ​ង​ថ្នាំ​ញៀន​ចំនួន​១២​កញ្ចប់​ដែល​ជនសង្ស័យ​ដាក់​ក្នុង​ការ​បូ​ប​ ទើប​ធ្វើការ​ឃាត់ខ្លួន​តែ​ម្ដង​ ។​

​នៅ​ចំពោះ​មុខ​សមត្ថកិច្ច​ ជនសង្ស័យ​ឈ្មោះ​ បាន​ឆ្លើយ​សារភាព​ថា​ ថ្នាំ​ញៀន​នេះ​ពិតជា​នៅ​ក្នុង​ការ​បូ​ប​របស់​ខ្លួន​ពិតប្រាកដ​មែន​ ដែល​ជនសង្ស័យ​ម្នាក់​ទៀត​ទុក​ក្នុង​ការ​បូ​ប​របស់​ខ្លួន​ (​គេចខ្លួន​)​។​

​ចំពោះ​ជនសង្ស័យ​ ព្រមទាំង​វត្ថុ​តាង​ កម្លាំង​បាន​បញ្ជូន​មក​ អធិការដ្ឋាន​នគរបាល​ក្រុង​តា​ខ្មៅ​ ដើម្បី​កសាង​សំណុំរឿង​ចាត់ការ​តាម​នីតិវិធី​ច្បាប់​ ៕

មតិយោបល់