កំពង់ឆ្នាំងៈ នៅថ្ងៃចន្ទ ០២រោច ខែកត្តិក ឆ្នាំជូត ទោស័ក ព.ស. ២៥៦៤ ត្រូវនឹងថ្ងៃទី០២ ខែវិច្ឆិកា ឆ្នាំ២០២០ វេលាម៉ោង១៤ និង៣០ នាទី មានករណីលង់ទឹក បណ្ដាលឱ្យស្រ្តីម្នាក់ស្លាប់ នៅចំណុចបឹងកផល ភូមិវត្តថ្មី ឃុំតាជេស ស្រុកកំពង់ត្រឡាច ខេត្តកំពង់ឆ្នាំង។
សាកសពជនរងគ្រោះឈ្មោះ វ៉ែន លី ភេទស្រី អាយុ៤៧ ឆ្នាំ រស់នៅភូមិ-ឃុំកើតហេតុ។
មូលហេតុ៖ ជនរងគ្រោះអុំទូកត្រឡប់ពីមើលស្រែប្រាំង មានអាការមិនស្រួលខ្លួនក៏បានធ្លាក់ទឹកបណ្ដាលឱ្យលង់តែម្តង ។
ក្រោយកើតហេតុសមត្ថកិច្ចបានចុះទៅពិនិត្យសាកសពស្រ្តីរងគ្រោះខាងលើ រួចបញ្ជាក់ថា ពិតជាស្លាប់ដោយសារលង់ទឹកប្រាកមែន ។ សាកសពត្រូវប្រគល់ជូនសាច់ញាតិយកធ្វើបុណ្យតាមប្រពៃណី៕
![](https://i0.wp.com/cdn.pnm.news/2020/11/postnews.com.kh.2020-11-03_10-04-54.jpg?resize=640%2C853&ssl=1)
![](https://i0.wp.com/cdn.pnm.news/2020/11/postnews.com.kh.2020-11-03_10-05-01.jpg?resize=640%2C853&ssl=1)
មតិយោបល់