ផ្ទះ ព័ត៌មានជាតិ យុវជន​ម្នាក់​...

យុវជន​ម្នាក់​ស្រវឹងស្រា​បើក​ម៉ូតូលឿន ​ជ្រុលទៅ​បុក​រថយន្ត​ពីក្រោយ​ បណ្តាល​ឲ្យ​ស្លាប់​ខ្លួនឯង

0

​បន្ទាយ​មាន​ជ័យ: យោងតាមផេកអគ្គស្នងការដ្ឋាននគរបាលជាតិបានឲ្យដឹងថា បើ​ស្រវឹង​ កុំ​បើកបរ​ !​ យុវជន​ម្នាក់​បាន​ស្លាប់​នៅ​ក្នុង​ថ្លុកឈាម​ដោយសារ​បើកបរ​ម៉ូតូ​ក្នុង​ស្ថានភាព​ស្រវឹង​ ហើយ​ជ្រុល​រថយន្ត​ពីក្រោយ​ ។​

​ហេតុការណ៍​គ្រោះថ្នាក់​ចរាចរណ៍​នេះ​បាន​កើតឡើង​នៅ​វេលា​ម៉ោង​ ២២​និង​៤៥​នាទី​ ថ្ងៃ​ទី​២០​ ខែវិច្ឆិកា​ ឆ្នាំ​២០២០​ នៅ​លើ​កំណាត់​ផ្លូវជាតិ​លេខ​៥​ ត្រង់​ចំណុច​ចន្លោះ​បង្គោលគីឡូម៉ែត្រ​លេខ​ ៣៧៥-៣៧៦​ ស្ថិត​ក្នុងភូមិ​ភូមិ​សូ​រិ​យា​ថ្មី​ ឃុំ​កូប ​ស្រុក​អូរ​ជ្រៅ​ ខេត្តបន្ទាយមានជ័យ​ ។​

​នគរបាល​ស្រុក​អូរ​ជ្រៅ​បាន​ប្រាប់​ថា​៖​ ជន​រង​គ្រោះ​ឈ្មោះ​ ខុន​ រតន​:​ ភេទ​ប្រុស​ អាយុ​ ២២​ឆ្នាំ​ រស់នៅ​ភូមិ​អូរ​អំបិល​ សង្កាត់​អូរ​អំបិល​ ក្រុង​សិរី​សោភ័ណ​ ខេត្តបន្ទាយមានជ័យ​ បើក​ម៉ូតូ​ម៉ាក​ហ្ស៊ូ​ម័​រ​ ពណ៌​ស​ លាយ​លឿង​ គ្មាន​ស្លាក​លេខ​ ។​

​សមត្ថកិច្ច​បន្ត​ថា​ នៅ​មុន​ពេល​កើតហេតុ​ ជន​រង​គ្រោះ​បាន​បើកបរ​ម៉ូតូ​ក្នុង​ទិស​ដៅ​ពី​កើត​ទៅ​លិច​ ក្នុង​ស្ថានភាព​ស្រវឹង​មាន​ល្បឿន​លឿន​ និង​មិន​ពាក់មួក​សុវត្ថិភាព​ ។​ លុះ​មក​ដល់​ចំណុច​កើតហេតុ​ បាន​ជ្រុល​បុក​រថយន្ត​ធុន​ធំ​ក្នុង​ទិស​ដៅ​ស្របគ្នា​ពីក្រោយ​ បណ្តាល​ឲ្យ​ស្លាប់​នៅ​នឹង​កន្លែង​ ចំណែក​អ្នកបើកបរ​រថយន្ត​ បាន​បើក​គេចខ្លួន​បាត់​ ។​

​បច្ចុប្បន្ន​ សព​ជន​រង​គ្រោះ​បាន​ប្រគល់​ជូន​ក្រុម​គ្រួសារ​យក​ទៅ​ចាត់ចែង​ធ្វើបុណ្យ​តាម​ប្រពៃណី​ បន្ទាប់​ពី​នគរបាល​ជំនាញ​ធ្វើការ​ត្រួតពិនិត្យ​ ៕

មតិយោបល់