ភ្នំពេញៈ ក្រោយពីជំនួបស្វាគមន៍រដ្ឋមន្រ្តីការពារជាតិបស់ប្រទេសឥណ្ឌូនេស៊ីនាព្រឹកថ្ងៃទី១០ សីហានេះ លោកឧបរដ្ឋមន្រ្តី ទៀ បាញ់ បានផ្តល់បទសម្ភាសន៍ថា នេះគ្រាន់ជាការស្វាគមន៍គាត់ឡើងតំណែងថ្មី ហើយលោកក៏ធ្លាប់ជាអតីតទាហានអ៊ុនតាក់ក្នុងប្រទេសកម្ពុជាដែរ។

ក្នុងជំនួបនេះជាការពង្រឹងបន្ថែមនូវកិច្ចសហប្រត្តិបត្តិការរវាងប្រទេសទាំង២ ព្រោះដោយសារការសហការល្អកន្លងមកទើបធ្វើឲ្យប្រទេសទាំង២ មានការទំនាក់ទំនងខ្ពស់។

លោកឧបរដ្ឋមន្រ្តីបានបញ្ជាក់បន្ថែមថា ឥណ្ឌូនេស៊ីបានជួយឧបត្ថម្ភកម្ពុជាច្រើនណាស់ ទាំងសម្ភារៈ អាវុធជាច្រើនផងដែរ។ ហើយជាច្រើនឆ្នាំដែលឥណ្ឌូនេស៊ីបានបញ្ជូនកងកម្លាំងរក្សាសន្តិភាពរបស់គេ មកជួយបណ្តុះបណ្តាលដល់កងកម្លាំងកម្ពុជា ទើបទទួលបានការដឹកនាំល្អ៕