ផ្ទះ ព័ត៌មានជាតិ លោកអ៊ំជនទុរគត...

លោកអ៊ំជនទុរគតអាយុ ៦៥ឆ្នាំម្នាក់ ត្រូវសមត្ថកិច្ចឃាត់ខ្លួន ករណីលួច

0

កណ្ដាល: យោងតាមផេកការិយាល័យផ្សព្វផ្សាយតាមបណ្តាញសង្គមបានឲ្យដឹងថា នៅថ្ងៃ អាទិត្យ ១៤កើត ខែមិគសិរ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី២៩ ខែវិច្ឆិកា ឆ្នាំ២០២០នៅម៉ោង០៨និង៣០នាទីមានករណីអំពើលួច(ម៉ូតូ)នៅចំណុចស្ថិត​ក្នុងផ្សារកាច់ជ្រុងភូមិព្រែកសំរោង សង្កាត់តាខ្មៅ ក្រុងតាខ្មៅ ខេត្តកណ្តាល​។​

ជនរងគ្រោះឈ្មោះ អាន បុណ្យ ភេទប្រុស អាយុ ៣៣ឆ្នាំ មានទីលំនៅសង្កាត់កើតហេតុ មុខរបរលក់កាហ្វេ។
ជនសង្ស័យឈ្មោះ សុខ ចាន់ ភេទប្រុស អាយុ ៦៥ឆ្នាំ មានទីលំនៅមិនពិតប្រាកដ មុខរបរមិនពិតប្រាកដ (ឃាត់ខ្លួន)។

វត្ថុតាងចាប់យក៖
១–កូនសោរម៉ូតូចំនួន៣(របស់ជនសង្ស័យ)។
២–ម៉ូតូមួយគ្រឿងម៉ាកHoda cub 90 ពណ៌ទឹកប្រាក់ ស្លាកលេខ បាត់ដំបង ១A៤៧៦២(របស់ជនរងគ្រោះ)។

មុនពេលកើតហេតុ ជនរងគ្រោះបានទុកម៉ូតូរបស់ខ្លួននៅមុខបន្ទប់ជួល ពេលនោះក៏ស្រាប់តែជនសង្ស័យបានយកកូនសោរបស់ខ្លួន ចាក់សោម៉ូតូរបស់ជនរងគ្រោះត្រូវហើយជិះរត់មកដល់មុខការ៉ាស់សាំង មុខហាងសូភី ក៏ស្រាប់តែជនរងគ្រោះមកទាន់ ហើយចាប់ខ្លួនប្រគល់ឲ្យសមត្ថកិច្ចចាត់ការតាមនីតិវិធីតែម្តង។

តាមចម្លើយរបស់ជនសង្ស័យបានប្រាប់ថាគាត់ជាជនទុរគត គ្មានញាតិសណ្តាន ទើបបានជាលួចម៉ូតូរបស់ជនរងគ្រោះគ្រាន់ទុករត់ម៉ូតូឌុបចិញ្ចឹមជីវិត តែទើបតែលួចលើកទី១នេះទេ ហើយក៏ត្រូវម្ចាស់គេទាន់នៅពេលគាត់ជិះចុះជិះឡើងដើម្បីរត់ម៉ូតូឌុប។

បច្ចុប្បន្ន​ជនសង្ស័យ រួមនឹងវត្ថុតាង បញ្ជូនអធិការដ្ឋាននគរបាលក្រុងតាខ្មៅ ដើម្បីកសាងសំណុំរឿងអនុវត្ដតាមនីតិវីធី ។

មតិយោបល់