ព័ត៌មានជាតិ

ស្គាល់គ្នាតាមហ្វេសប៊ុក បបួលនាងទៅមើលកុន ពេលចូលដល់ក្នុងបន្ទប់ ធ្វើសកម្មភាពសេពសន្ថវៈ ត្រូវសមត្ថកិច្ចឃាត់ខ្លួន

ភ្នំពេញ: យោងតាមផេក ស្នងការដ្ឋាននគរបាលរាជធានីភ្នំពេញ បានឲ្យដឹងថា នៅថៃ្ងទី២៨ ខែវិច្ឆិកា ឆាំ្ន២០២០ វេលាម៉ោង១១ និង៣០នាទី កម្លាំងផ្នែកជំនាញប៉ុស្តិ៍នគរបាលរដ្ឋបាល ទំនប់ទឹក បានឃាត់ខ្លួនជនសង្ស័យម្នាក់ ករណីរំលោភសេពសន្ថវ:អនីតិជន នៅចំណុចហាងកាហ្វេ Dambo តាមបណ្ដោយផ្លូវលេខ២១៧ ភូមិ០៤ សង្កាត់ដង្កោ ខណ្ឌដង្កោ រាជធានីភ្នំពេញ។

កាលពីថ្ងៃទី២៦ ខែវិច្ឆិកា ឆាំ្ន២០២០ វេលាម៉ោង១៤ និង០០នាទី បន្ទាប់ពីទទួលពាក្យបណ្ដឹងពីជនរងគ្រោះជាអនីតិជនឈ្មោះ ថសន ដោយជនរងគ្រោះបានរៀបរាប់ថានៅវេលាម៉ោង១៣ និង០០នាទី សង្សាររបស់រូបគេឈ្មោះ ប៉េង សូរិយា ដែលស្គាល់គ្នាតាមរយ:គណនីហ្វេសប៊ុកឈ្មោះ YGSs បានឆាតមកជនរងគ្រោះ ដោយបបួលទៅមើលកុនតែ០២នាក់ នៅម្ដុំក្រោយផ្សារសុវណ្ណា ប៉ុន្ដែពេលចូលទៅដល់ក្នុងបន្ទប់រោងកុន I cinema ជនសង្ស័យបានធ្វើសម្មភាពសេពសន្ថវ: លើជនរងគ្រោះ តែមិនបានសម្រេចរហូតដល់ទៅ០៣ដង។

បន្ទាប់ពីចាកចេញពីរោងកុន ជនសង្ស័យបានលួងលោមថានឹងចូលស្តីដណ្តឹងជនរងគ្រោះតាមផ្លូវច្បាប់ ប៉ុន្តែក្រោយជនសង្ស័យ បានប្លុកហ្វេសប៊ុកមិនអាចទំនាក់ទំនងបាន ទើបជនរងគ្រោះសម្រេចចិត្តមកដាក់ពាក្យបណ្តឹង នៅប៉ុស្តិ៍នគរបាលរដ្ឋបាល ទំនប់ទឹក តែម្តង។

បច្ចុប្បន្នជនសង្ស័យ កំពុងឃាត់ខ្លួននៅអធិការដ្ឋាន បឹងកេងកង ដើម្បីកសាងសំណុំរឿង ដើម្បីចាត់ការតាមនីតិវិធីច្បាប់ ៕

មតិយោបល់