-

យុវជនម្នាក់បើក​ម៉ូតូ​វ៉ា​ជែង​មិន​ប្រយ័ត្ន​បណ្តា​ល​ឲ្យ​កៀរ​នឹង​រថយន្ត​ដួល​ ត្រូវ​ឡាន១​គ្រឿង​ទៀត​ កិន​ពីលើ​ស្លាប់​នៅ​កន្លែង​កើតហេតុ​

​បន្ទាយ​មាន​ជ័យ: យោងតាមផេកអគ្គស្នងការដ្ឋាននគរបាលជាតិបានឲ្យដឹងថា ក្មេង​ប្រុស​ជំទង់​ម្នាក់​បាន​ស្លាប់​នៅ​នឹង​កន្លែង​កើតហេតុ​ ក្នុង​ហេតុការណ៍​គ្រោះថ្នាក់​ចរាចរណ៍​រវាង​ម៉ូតូ​កៀរ​នឹង​រថយន្ត​ បណ្តាល​ឲ្យ​ដួល​បោក​ក្បាល​នឹង​ថ្នល់​របួសធ្ងន់​ ត្រូវ​រថយន្ត​០១​គ្រឿង​ផ្សេង​ទៀត​កិន​ពីលើ​បណ្តាល​ឲ្យ​ស្លាប់​ ។​

​ករណី​គ្រោះថ្នាក់​ចរាចរណ៍​នេះ​បាន​កើតឡើង​នៅ​វេលា​ម៉ោង ​១៨​និង​១០​នាទី​ ថ្ងៃ​ទី​០៧​ ខែធ្នូ​ ឆ្នាំ​២០២០​ នៅ​លើ​កំណាត់​ផ្លូវជាតិ​លេខ​៦​ ខាងលិច​ក្លោ​ង​ទ្វារ​ចូល​វត្ត​កក់​ប្រហែល​១៥០​ម៉ែត្រ​ ស្ថិត​ក្នុងភូមិ​គោក​លុន​ ឃុំ​ជប់​វា​រី​ ស្រុក​ព្រះនេត្រព្រះ​ ខេត្តបន្ទាយមានជ័យ​ ។​

​ប្រភព​ព័ត៌មាន​ពី​នគរបាល​ស្រុក​ព្រះនេត្រព្រះ​បាន​ឲ្យ​ដឹង​ថា​ ជន​រង​គ្រោះ​ឈ្មោះ​ ខាំ​ ប៊ុ​ន​សេង​ ភេទ​ប្រុស​ អាយុ​១៨​ឆ្នាំ​ នៅ​ភូមិ​គោក​ត្រាច​ ឃុំ​ឈ្នួ​រ​មាន​ជ័យ​ ស្រុក​ព្រះនេត្រព្រះ​ ខេត្តបន្ទាយមានជ័យ​ ។​បើកបរ​ ម៉ូតូ​ម៉ាក​ហ្សូ​ម័​រ​ ពណ៌​លឿង​ គ្មាន​ស្លាក​លេខ​ ។​

​បច្ចុប្បន្ន​ ម៉ូតូ​ខូចខាត​ស្រាល​សមត្ថកិច្ច​យក​ទៅ​រក្សា​ទុក​នៅ​អធិការដ្ឋាន​ស្រុក​ព្រះនេត្រព្រះ​ ។​ ចំណែក​សាកសព​ត្រូវ​បាន​ប្រគល់​ជូន​ក្រុម​គ្រួសារ​យក​ទៅ​ចាត់ចែង​ធ្វើបុណ្យ​តាម​ប្រពៃណី​ ៕​

មតិយោបល់