ភ្នំពេញៈ ករណី លួចអាគុយរថយន្ត នៅមុខផ្ទះលេខ១៨៤ ភូមិកណ្តាល១ សង្កាត់ច្បារអំពៅ២ ខណ្ឌច្បារអំពៅ កាលពីថ្ងៃទី ០៧ ខែធ្នូ ឆ្នាំ២០២០ ម៉ោង១២និង៤៩នាទី ជនរងគ្រោះឈ្មោះយ៉េត សុខ ភេទប្រុស អាយុ៣៩ឆ្នាំ ជនជាតិវៀតណាម មុខរបរ លក់ដូរ ស្នាក់នៅផ្ទះកើតហេតុ។
ជនសង្ស័យឃាត់ខ្លួនឈ្មោះ វាសនា សុខ ហេង ភេទប្រុស អាយុ២២ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់នៅភូមិដើមស្លែង សង្កាត់ច្បារអំពៅ២ ខណ្ឌច្បារអំពៅ។
ហេតុការណ៍ មុនពេលកើតហេតុ ជនរងគ្រោះទុករថយន្តម៉ាកហ៊ីយ៉ាន់ដាយ ពណ៌ខៀវ ពាក់ស្លាកលេខ ភ្នំពេញ ២AC-៩៣៧៨ នៅចំណុចកើតហេតុ រួចចូលដេកក្នុងផ្ទះ ស្រាប់តែមានជនសង្ស័យ ០៣នាក់ ឈ្មោះ វាសនា សុខហេង, ឈ្មោះ អ៊ូ រ៉ាន់ និងឈ្មោះ ខ្លី នាំគ្នាលួចអាគុយរថយន្តខាងលើ (កម្លាំង១០០អំពែ មិនចាំម៉ាក) នាំគ្នាគេចខ្លួន។ លុះដល់ថ្ងៃទី០៨ ខែធ្នូ ឆ្នាំ២០២០ ម៉ោង៣និង០០នាទី សមត្ថកិច្ចយើងឃាត់ខ្លួនបានជនសង្ស័យម្នាក់ឈ្មោះ វាសនា សុខហេង នៅភូមិកណ្តាល សង្កាត់ ច្បារអំពៅ២ បញ្ជូនមកអធិការដ្ឋាននគរបាលខណ្ឌច្បារអំពៅ ចាត់ការតាមច្បាប់៕