ផ្ទះ ព័ត៌មានជាតិ ជនជាតិចិន បើក...

ជនជាតិចិន បើក Range Rover កៀររថយន្ត Toyota Prius រងការខូចខាតយ៉ាងធ្ងន់ធ្ងរ

0

ភ្នំពេញ: រថយន្តម៉ាក Range Rover ជនជាតិចិន បើកឆ្លងផ្លូវគាររថយន្ត Toyota Prius បណ្តាលឲ្យរងការខូចខាតយ៉ាងធ្ងន់ធ្ងរ បង្ក ឲ្យមានការភ្ញាក់ផ្អើល កាលពីវេលាម៉ោង១០និង៤០នាទីយប់ថ្ងៃទី២០ ខែធ្នូ ឆ្នាំ២០២០ នៅតាមបណ្តោយផ្លូវសហព័ន្ធរុស្សី ទល់មុខ ប្រលានយន្តហោះ អន្តរជាតិភ្នំពេញ ដែលស្ថិតនៅភូមិក្បាលដំរីទី២ សង្កាត់កាកាបទី២ ខណ្ឌពោធិ៍សែនជ័យ រាជធានីភ្នំពេញ ។

រថយន្ត ម៉ាក Range Rover ពណ៌ស ពាក់ផ្លាកលេខ ភ្នំពេញ 2 BE-0516 បើកបរឆ្លងផ្លូវក្នុងទិសដៅពីត្បូងទៅជើង។
ចំណែករថយន្ត Toyota Prius ពណ៌ស ពាក់ផ្លាកលេខ ភ្នំពេញ 2BG-6385 បើកបរក្នុងទិសដៅពីលិចទៅកើត រងការខូចខាតផ្នែក ខាងស្តាំ។

តាមប្រភពព័ត៌មានពីជនរងគ្រោះរថយន្តម៉ាក តូយ៉ូតាព្រូស បានឲ្យដឹងថា នៅមុនពេលកើតហេតុ គាត់បើកបរតាមដងផ្លូវសហព័ន្ធរុស្ស៊ី ក្នុងទិសដៅពីលិចទៅកើត ក្នុងល្បឿនលឿន មធ្យមលុះមកដល់ចំណុចកើតហេតុ នឹងចំណុចស្តុប មុខព្រលានយន្តហោះអន្តរជាតិភ្នំពេញ ដោយបើកបរពាក់ទឹមជាមួយរថយន្តបង្កម៉ាក range rover ដែលជារថយន្តរបស់ជនជាតិចិន បើកបរក្នុងទិសដៅស្របគ្នា ហើយមកដល់ចំណុចកើតហេតុ ស្រាប់តែរថយន្តជនជាតិចិន បានបើក បត់ឆ្វេង បណ្តាលឲ្យកៀររថយន្តរងគ្រោះ បណ្តាលឲ្យរងការខូចខាត ផ្នែកខាងស្តាំមួយចំហៀង ។

ប្រភពព័ត៌មានបានបន្តទៀតថាខណ:ពេលភ្លាមភ្លាម ដោយភាគីខាងជនជាតិចិន មានតំណាងបកភាសាខ្មែរ បានមកដោះស្រាយជាមួយភាគីរងគ្រោះដែរ តែការដោះស្រាយមិនសម នឹងការខូចខាតរថយន្ត រងគ្រោះ ដោយឲ្យចំនួន១០០ ដុល្លារតែភាគីរងគ្រោះមិនព្រមទុកឲ្យ សមត្ថកិច្ច ចាត់ការតាមនីតិវិធីច្បាប់។

ក្រោយពេលកើតហេតុ កម្លាំងជំនាញចរាចរណ៍ ខណ្ឌពោធិ៍សែនជ័យ បានវាស់វែង នឹងយករថយន្តទាំង២គ្រឿង យកទៅរក្សាទុក ដើម្បី រង់ចាំការដោះស្រាយថ្ងៃក្រោយ ៕

មតិយោបល់