កណ្ដាល: យោងតាមផេក ការិយាល័យផ្សព្វផ្សាយតាមបណ្តាញសង្គម បានឲ្យដឹងថា នៅថ្ងៃច័ន្ទ ១៤កើត ខែបុស្ស ឆ្នាំជូត ទោស័ក ព.ស. ២៥៦៤ ត្រូវនឹងថ្ងៃទី២៨ ខែធ្នូ ឆ្នាំ២០២០ វេលាម៉ោង១០និង១០នាទី មានករណីអំពើហិង្សាក្នុងគ្រួសារ បណ្ដាលឲ្យជនរងគ្រោះ ជាំក្បាល ដៃ ជើងនៅចំណុចផ្ទះជនរងគ្រោះ ភូមិលេខ២ សង្កាត់ស្វាយរលំ ក្រុងតាខ្មៅ ខេត្តកណ្ដាល។
ជនរងគ្រោះត្រូវជាប្រពន្ធឈ្មោះ ទុំ ស្រីចរិយា អាយុ៣៤ឆ្នាំ មានទីលំនៅភូមិសង្កាត់កើតហេតុ មុខរបរកសិករ។
ជនសង្ស័យត្រូវជាប្តីឈ្មោះ ថន សុធា អាយុ៣២ឆ្នាំ ជនជាតិខ្មែរ មុខរបររត់រ៉ឺម៉ក មានទីលំនៅភូមិសង្កាត់កើតហេតុ ធ្លាប់ជាប់មណ្ឌលកែប្រែបន្សាបគ្រឿងញៀន៣ខែ,(ឃាត់ខ្លួន)។
វត្ថុតាងចាប់យក៖១-កាំបិតបត់ ចំនួនមួយ(របស់ជនសង្ស័យ)។២-អំបោស ចំនួនមួយ(របស់ជនសង្ស័យ)។
៣-ដេកកេះ ចំនួនមួយ(របស់ជនសង្ស័យ)។៤-ឧបករណ៍សម្រាប់ប្រើប្រាស់គ្រឿងញៀនចំនួនមួយ។
សម្ភារ:ខូចខាត៖ បែកបាក់សសរផ្ទះចំនួនមួយ។
កាលពីវេលាកើតហេតុខាងលើ ជនសង្ស័យបានទិញថ្នាំញៀន យកមកជក់នៅក្នុងផ្ទះ បណ្តាយឲ្យបែកស្មារតី រួចហើយបានទាលុយពីប្រពន្ធចំនួន១០០ដុល្លារ ដោយនិយាយថាយកទៅធ្វើខួបកំណើតឲ្យកូន តែប្រពន្ធមិនឲ្យ ក៏បានយកអំបោស វាយប្រពន្ធរបស់ខ្លួនបណ្តាលឲ្យ មានរបួសស្នាម ជាំក្បាល ដៃ ជើង និង ទាញសសរសំយ៉ាកផ្ទះ បណ្តាលឲ្យបាក់អស់មួយដើមនិង ប្រមូលខោអាវដុតអស់ជាច្រើនកំផ្លេ ហើយក៏ត្រូវជនរងគ្រោះប្តឹងសមត្ថកិច្ចប៉ុស្តិ៍ស្វាយរលំ ឲ្យចុះមកឃាត់ខ្លួន ដើម្បីចាត់ការតាមនីតិវិធីតែម្តង៕
មតិយោបល់