បាត់ដំបងៈ បុរសម្នាក់បានរងរបួសធ្ងន់ បន្ទាប់កាប់ដីប៉ះចំគ្រាប់បែក១គ្រាប់ បណ្តាលឲ្យផ្ទុះរងរបួសធ្ងន់នៅវេលាម៉ោង១១និង៣០នាទីថ្ងៃទី១១ ខែសីហា ឆ្នាំ២០១៦ ត្រង់ចំណុចភូមិថ្មី ឃុំបឹងរាំង ស្រុកកំរៀង ខេត្តបាត់ដំបង។

ជនរងគ្រោះឈ្មោះ កង រតនៈ ភេទប្រុស អាយុ៣៥ឆ្នាំ មុខរបរកសិករ រស់នៅចំណុចកើតហេតុខាងលើ ។ នៅមុនពេលកើតហេតុជនរងគ្រោះបានកាប់ដីដាំកូនត្រាវខាងក្រោយផ្ទះចម្ងាយ១០ម៉ែត្រ កាប់ៗបានប៉ះគ្រាប់បែកដងឈើបណ្តាលឲ្យផ្ទុះ រងរបួសធ្ងន់ ត្រូវបានបញ្ជូនទៅពេទ្យធំខេត្តបាត់ដំបង៕