អាមេរិក៖ ក្រុមហ៊ុន Twitter នៅព្រឹកថ្ងៃសុក្រនេះ បានច្រានចោលព័ត៌មានចចារ៉ាម​ដែលបានចេញផ្សាយថា បណ្ដាញ​សង្គម​មួយនេះ នឹងបិទ​នៅឆ្នាំ ២០១៧ ដែលការច្រានចោលនេះ ត្រូវបានធ្វើឡើងក្រោយពេលសារព័ត៌មាន Reuters ចេញ​ផ្សាយ​នៅថ្ងៃព្រហស្បតិ៍ម្សិលមិញ។

អ្នកនាំពាក្យរបស់ Twitter បានថ្លែងប្រាប់ Reuters តាមរយៈអ៉ីមេលថា «ពិតណាស់! វាជាព័ត៌មានចចាមអារ៉ាម​ ដែល​គ្មាន​មូលដ្ឋាន»។ នៅក្នុងអ៉ីមេលដែលឆ្លើបតបមកកាន់ Reuters នោះ ខាង Twitter មិនបានបញ្ជាក់អ្វីឲ្យលើសពីនេះនោះទេ គ្រាន់តែបញ្ជាក់ថា Twitter កំពុង​ដំណើរការយ៉ាងល្អ និងគ្មានមូលហេតុអ្វីត្រូវបិទនោះទេ។

គួរបញ្ជាក់ផងដែរថា គិតត្រឹមត្រីមាសទី២ ឆ្នាំនេះ ចំនួនអ្នកប្រើប្រាស់បណ្ដាញសង្គម Twitter មាន​ចំនួន ៣១៣លានានក់ ដោយកើនឡើងតិច បើធៀបនឹងឆ្នាំមុន៕